7. జ్ఞాన విజ్ఞాన యోగము
మయ్యాసక్త మనాః పార్థ - యోగం యుంజ న్మదాశ్రయః అసంశయం సమగ్రం మాం - యధా జ్ఞాస్యసి తచ్ఛృణు - 1
జ్ఞానం తేహం సవిజ్ఞాన - మిదం వక్ష్యా మ్యశేషతః యద్‌ జ్ఞాత్వా నేహ భూయోన్యత్‌ - జ్ఞాత వ్య మవశిష్యతే - 2
మనుష్యాణాం సహస్రేషు - కశ్చి ద్యతతి సిద్ధయే యతతా మపి సిద్ధానాం - కశ్చి న్మాం వేత్తి తత్త్వతః - 3
భూమి రాపో నలో వాయుః ఖం మనో బుద్ధి రేవచ అహంకార ఇతీయం మే - భిన్నా ప్రకృతి రష్టధా - 4
అపరేయ మితస్త్వన్యాం - ప్రకృతిం విద్ధిమే పరాం జీవభూతాం మహాబాహో - యయేదం ధార్యతే జగత్‌ - 5
ఏత ద్యోనీని భూతాని - సర్వాణీ త్యుపధారయ అహం కృత్స్నస్య జగతః - ప్రభవః ప్రలయ స్తధా - 6
మత్తః పరతరం నాన్య - త్కించి దస్తి ధనం జయ మయి సర్వమిదం ప్రోతం - సూత్రే మణి గణా ఇవ - 7
రసోహ మప్సు కౌంతేయ - ప్రభాస్మి శశి సూర్యయోః ప్రణవ స్సర్వ వేదేషు - శబ్దః ఖే పౌరుషం నృషు - 8
పుణ్యోగంధః పృధి వ్యాంచ - తేజ శ్చాస్మి విభావసౌ జీవనం సర్వభూతేషు - తపశ్చాస్మి తపస్విషు - 9
బీజం మాం సర్వభూతానాం - విద్ధి పార్ధ సనాతనమ్‌ బుద్ధి ర్బుద్ధి మతా మస్మి - తేజస్తే జస్వినా మహమ్‌ - 10
బలం బలవతాంచాహం - కామరాగ వివర్జితమ్‌ ధర్మా విరుద్ధో భూతేషు - కామోస్మి భరతర్షభ - 11
యే చైవ సాత్త్వికా భావా - రాజసా స్తామసా శ్చయే మత్త ఏవేతి తా న్విద్ధి - నత్వహం తేషు తేమయి - 12
త్రిభి ర్గుణమయై ర్భావై - రేభి స్సర్వమిదం జగత్‌ మోహితం నాభిజానాతి - మామేభ్యః పర మవ్యయమ్‌ - 13
దైవీ హ్యేషా గుణమయీ - మమ మాయా దురత్యయా మామేవ యే ప్రపద్యంతే - మాయా మేతాం తరంతి తే - 14
న మాం దు ష్కృతినో మూఢాః - ప్రపద్యంతే నరాధమాః మాయయా -పహృత జ్ఞానాః - ఆసురం భావ మా శ్రితాః - 15
చతుర్విధా భజంతే మాం - జనా స్సుకృతి నోర్జున ఆర్తో జిజ్ఞాసు రర్ధార్ధీ - జ్ఞానీ చ భరతర్షభ - 16
తేషాం జ్ఞానీ నిత్యయుక్తః - ఏకభక్తి ర్విశిష్యతే ప్రియోహి జ్ఞానినో - -త్యర్థ - మహం సచ మమ ప్రియః - 17
ఉదారా స్సర్వ ఏవైతే - జ్ఞానీ త్వాత్మైవ మే మతం ఆస్థిత స్సహి యుక్తాత్మా - మామే వానుత్తమాం గతిమ్‌ - 18
బహూనాం జన్మనా మంతే - జ్ఞానవాన్‌ మాం ప్రపద్యతే వాసుదేవ స్సర్వమితి - స మహాత్మా సుదుర్లభః - 19
కామై స్తై స్తై ర్హ ృత జ్ఞానాః ప్రపద్యంతే అన్య దేవతాః తం తం నియమ మాస్థాయ - ప్రకృత్యా నియతాః స్వయా-20
యో యో యాం యాం తనుం భక్తః - శ్రద్ధయా ర్చితు మిచ్ఛతి తస్య తస్యా చలాం శ్రద్ధాం - తామేవ విదధా మ్యహమ్‌ - 21
స తయా శ్రద్ధయా యుక్త - స్తస్యా రాధన మీహతే లభతే చ తతః కామాన్‌ - మయైవ విహి తాన్‌హి తాన్‌ - 22
అంతవత్తు ఫలం తేషాం - తద్భవ త్యల్పమే ధసాం దేవాన్‌ దేవయజో యాంతి - మద్భక్తా యాంతి మామపి - 23
అవ్యక్తం వ్యక్తి మాపన్నం - మన్యంతే మా మబుద్ధయః పరం భావ మజానంతో - మమా వ్యయ మనుత్తమమ్‌ - 24
నాహం ప్రకాశః సర్వస్య - యోగ మాయా సమావృతః మూఢోయం నాభి జానాతి - లోకో మా మజ మవ్యయం - 25
వేదాహం సమతీతాని - వర్తమానాని చార్జున భవిష్యాణిచ భూతాని - మాంతు వేద న కశ్చన - 26
ఇచ్ఛా ద్వేష సముత్థేన - ద్వంద్వ మోహేన భారత సర్వభూతాని సమ్మోహం - సర్గేయాంతి పరంతప - 27
యేషాం త్వంత గతం పాపం - జనానాం పుణ్య కర్మణాం తే ద్వం ద్వమోహ నిర్ముక్తా - భజంతే మాం దృఢ వ్రతాః - 28
జరా మరణ మోక్షాయ - మామాశ్రిత్యయతంతి యే తే బ్రహ్మ త ద్విదుః కృత్స్న - మధ్యాత్మం కర్మ చాఖిలమ్‌ - 29
సాధిభూతాధి దైవం మాం - సాధియజ్ఞంచ యే విదుః ప్రయాణ కాలేపి చమాం - తే విదు ర్యుక్త చేతసః - 30
