5. కర్మ సన్యాస యోగము
సన్న్యాసం కర్మణాం కృష్ణ - పునర్యోగం చ శంససి యచ్ఛ్రేయ ఏతయో రేకం - తన్మే బ్రూహి సునిశ్చితమ్‌ - 1
సన్న్యాసః కర్మయోగశ్చ - నిఃశ్రేయస కరావుభౌ తయోస్తు కర్మ సన్న్యాసా - త్కర్మయోగో విశిష్యతే - 2
జ్ఞేయస్స నిత్య సన్న్యాసీ - యో న ద్వేష్టి న కాంక్షతి నిర్ద్వం ద్వో హి మహాబాహో - సుఖం బంధా త్ప్రముచ్యతే - 3
సాంఖ్యయోగౌ పృధ గ్బాలాః - ప్రవదంతి న పండితాః ఏక మ ప్యాస్థిత స్సమ్య - గుభయో ర్విందతే ఫలమ్‌ - 4
య త్సాంఖ్యైః ప్రాప్యతే స్థానం - త ద్యోగైరపి గమ్యతే ఏకం సాంఖ్యంచ యోగంచ - యః పశ్యతి సపశ్యతి - 5
సన్న్యాసస్తు మహాబాహో - దుఃఖ మాప్తు మ యోగతః యోగయుక్తో ముని ర్బ్రహ్మ - నచిరేణాధి గచ్ఛతి - 6
యోగ యుక్తో విశుద్ధాత్మా - విజితాత్మా జితేంద్రియః సర్వభూతాత్మ భూతాత్మా - కుర్వన్నపి న లిప్యతే - 7
నైవకించి త్కరోమీతి - యుక్తోమన్యేత తత్త్వవిత్‌ పశ్యన్‌ శృణ్వన్‌ స్పృశన్‌ జిష్రున్‌ - అశ్నన్‌ గచ్ఛన్‌ స్వపన్‌ శ్వసన్‌ - 8
ప్రలప న్నుత్సృజన్‌ గృహ్ణన్‌ - ఉన్మిష న్నిమిషన్నపి ఇఙంద్రియాణీంద్రి యార్ధేషు - వర్తంత ఇతిధారయన్‌ - 9
బ్రహ్మణ్యాధాయ కర్మాణి - సంగం త్యక్త్వా ధనంజయ లిప్యతే న స పాపేన - పద్మ పత్త్ర మివాంభసా - 10
కాయేన మనసా బుద్ధ్యా - కేవలై రింద్రియైరపి యోగినః కర్మ కుర్వంతి - సంగం త్యక్త్యాత్మ శుద్ధయే - 11
యుక్తః కర్మఫలం త్యక్త్యా -శాంతి మాప్నోతి నైష్ఠికీమ్‌ అయుక్తః కామకారేణ - ఫలేసక్తో నిబధ్యతే - 12
సర్వ కర్మాణి మనసా - సన్న్యస్యాస్తే సుఖం వశీ నవద్వార పురే దేహీ - నైవ కుర్వ న్న కారయన్‌ - 13
నకర్తృత్వం నకర్మాణి - లోకస్య సృ జతి ప్రభుః నకర్మ ఫల సంయోగం - స్వభావస్తు ప్రవర్తతే - 14
నా దత్తే కస్యచి త్పాపం - న చైవ సుకృతం విభుః అజ్ఞానే నావృతం జ్ఞానం - తేన ముహ్యంతి జంతవః -15
జ్ఞానేనతు తదజ్ఞానం - యేషాం నాశిత మాత్మనః తేషా మాదిత్యవత్‌ జ్ఞానం - ప్రకాశయతి తత్పరమ్‌ - 16
తద్బుద్ధయ స్తదా త్మాన - స్తన్నిష్ఠా స్తత్పరాయణాః గచ్ఛం త్యపున రా వృత్తిం - జ్ఞాన నిర్ధూత కల్మషాః - 17
విద్యావినయ సంపన్నే - బ్రాహ్మణే గవి హస్తిని శుని చైవ శ్వపాకేచ - పండితా స్సమ దర్శినః - 18
ఇహైవ తై ర్జిత స్సర్గః - యేషాం సామ్యే స్థితం మనః నిర్దోషం హి సమం బ్రహ్మ - తస్మా ద్బ్రహ్మణి తే స్థితాః - 19
నప్రహృష్యేత్‌ ప్రియం ప్రాప్య - నో ద్విజే త్ప్రాప్య చాప్రియం స్థిర బుద్ధి రసమ్మూఢో - బ్రహ్మ వి ద్బ్రహ్మణి స్థితః - 20
బాహ్యస్పర్శే ష్వసక్తాత్మా - వింద త్యాత్మని యత్సుఖం స బ్రహ్మయోగ యుక్తాత్మా - సుఖ్‌మక్షయ మశ్నతే - 21
యేహి సంస్పర్శజా భోగా - దుఃఖయోనయ ఏవ తే ఆద్యంత వంతః కౌంతేయ - న తేషు రమతే బుధః - 22
శక్నో తీ హైవ య స్సోఢుం - ప్రాక్శరీర విమోక్షణాత్‌ కామక్రోధో ద్భవం వేగం - సయుక్తః ససుఖీ నరః - 23
యోం తస్సుఖోంతరారామ - స్తధాంత ర్జ్యోతి రేవయః సయోగీ బ్రహ్మ నిర్వాణం - బ్రహ్మభూతో ధి గచ్ఛతి - 24
లభంతే బ్రహ్మ నిర్వాణం - బుషయః క్షీణ కల్మషాః ఛిన్న ద్యైధా యతాత్మానః - సర్వభూతహితే రతాః- 25
కామక్రోధ వి యుక్తానాం - యతీనాం యత చేతసాం అభితో బ్రహ్మ నిర్వాణం - వర్తతే విదితాత్మనామ్‌ - 26
స్పర్శాన్‌ కృత్వా బహిర్బాహ్యాన్‌ - చకక్షుశ్చైవాంతరే భ్రువోః ప్రాణా పానౌ సమౌ కృత్వా- నాసాభ్యంతర చారిణౌ - 27
యతేంద్రియ మనోబుద్ధి ర్ముని ర్మోక్ష పరాయణః విగతే చ్ఛా భయక్రోధో - యస్సదా ముక్త ఏవ సః - 28
భోక్తారం యజ్ఞతపసాం - సర్వలోక మహేశ్వరం సుహృదం సర్వభూతానాం - జ్ఞాత్వామాం శాంతి మృచ్ఛతి - 29
