కర్మసన్యాస యోగము
భగవద్గీత 
ఉన్నదా స్ఫురణ. కాని శరీరం మేరకే పరిమితమై ఉన్నది. పరిమితంగాక పరిపూర్ణమైతే అదే బ్రహ్మం. పరిమితం కావటం కూడా ఉపాధుల వల్ల అలా భాసిస్తున్నదే గాని వస్తుతః అది పరిపూర్ణమే. కనుక ఆత్మ బ్రహ్మమే. బ్రహ్మమైనా అది నేననే స్ఫురణే కాబట్టి బ్రహ్మ మాత్మే. పరోక్షంగా చూస్తే బ్రహ్మం. అపరోక్షంగా భావిస్తే ఆత్మ. అయ మాత్మా బ్రహ్మ అని మహావాక్యం. దానికిలాగే వ్యాఖ్యానం చేశారు భగవత్పాదులు. కాబట్టి బ్రహ్మమూ ఆత్మ వేరుగావు. ఒకదాని కొకటి పర్యాయ పదాలు Synonyms. కనుకనే సత్యం జ్ఞానమనంతం బ్రహ్మ యో వేదనిహితం గుహాయాం అని మొదట బ్రహ్మమనే మాట ప్రయోగించి - తస్మా దేత స్మా దాత్మనః ఆ ఆత్మనుంచే తేజోబన్నాది సృష్టి జరిగిందని రెండింటినీ ఏకం చేసి వర్ణించింది తైత్తిరీయోపనిషత్తు. కనుక ఇదీ వీటి విషయంలో మనం చెప్పుకోవలసిన సమాధానం. ఇంతకన్నా ఏమీ లేదు.
స్పర్శాన్ కృత్వా బహిర్బాహ్యాంశ్చక్షుశ్చైవాంతరే భ్రువోః |
ప్రాణాపానౌ సమౌ కృత్వా నాసాభ్యంతరచారిణౌ || 27 ||
యతేంద్రియమనోబుద్ధిర్మునిర్మోక్షపరాయణః |
విగతేచ్ఛాభయక్రోధో యః సదా ముక్త ఏవ సః || 28 ||
ఇంతవరకూ సమ్యగ్దర్శనులైన జ్ఞానులకు కలిగే సద్యోముక్తిని వర్ణించారు. దానికి సాధనమైన కర్మయోగాన్ని కూడా వర్ణించింది గీత. సమస్తమూ ఈశ్వరార్పణ చేసి నిష్కామంగా కర్మ లాచరిస్తే అది క్రమంగా సత్త్వశుద్ధి చేసి జ్ఞానానికి దారితీస్తే తరువాత కర్మలను కూడా జ్ఞాన దృష్టితో చూచి జ్ఞానంతోనే వాటిని సన్న్యసించట మెలాగో అలాటి కర్మసన్న్యాసం
Page 440
బ్రహ్మశ్రీ యల్లంరాజు శ్రీనివాస రావు