కర్మసన్యాస యోగము
భగవద్గీత 
అయిన వాడెప్పుడూ ఆభాసరూపమైన ఇంద్రియ విషయాలలో రమించడు. అంటే నిమగ్నమయి పోడు. అవగత పరమార్థతత్త్వః అని వర్ణించారు భాష్యకారులు. అసలైన తత్త్వమేదో పట్టుకొన్నాడు జ్ఞాని. పట్టుకోటమంటే స్వానుభవానికి కూడా తెచ్చుకొన్నాడు. అప్పుడేవాడు బుధుడు వాడికీ విషయప్రపంచం విషయంగా కనిపించదు. విషయిగా కనిపిస్తుంది. అంటే ఆత్మగానే దర్శనమిస్తుంది. ఇక విషయ వాంఛ ఎక్కడిది వాడికి. ఆకాశపుష్ప మది.
శక్నోతీహైవ యః సోఢుం ప్రాక్ శరీరవిమోక్షణాత్ |
కామక్రోధోద్భవం వేగం స యుక్తః స సుఖీ నరః || 23 ||
శ్రేయోమార్గానికి ప్రతికూలమూ సకలా నర్థాలకూ హేతుభూతమూ దుర్నివారమూ అయినదీ విషయ సుఖాభిలాష అనే దోషం. దీన్ని నివారించాలంటే ఎంతో బ్రహ్మ ప్రయత్నం చేయవలసి ఉందంటారు భాష్యకారులు ఏమిటా ప్రయత్న మది ఎలా చేయాలని అడిగితే జవాబిస్తున్నది గీత. ప్రాక్ శరీర విమోక్షణాత్ - శరీరం రేపు ప్రారబ్ధం తీరి పడిపోయే లోపలనే జాగ్రత్త పడాలి ప్రతి ఒక్కడూ. మరణ మనే హద్దు ఎందుకు చెప్పటమంటే ఆ తరువాత ఏదీ సాధించలేడు మానవుడు. అసంభవం. జీవించి ఉండగానే చేయాలి ఏ ప్రయత్నమైనా. జీవిస్తున్నంత వరకూ అవశ్యం భావీహి కామక్రోధోద్బవోవేగః- కామ క్రోధాలంటే రాగ ద్వేషాలు. అవి మహా ప్రబలమైన శత్రువులు. వాటి ధాటి తట్టుకోటం మహాకష్టం. అది మనసులో ఏర్పడుతుంది ముందు. కామంగానీ క్రోధం గానీ మనసులోనే గదా కలిగేది. చిత్తవృత్తులవి. అవి మనసులో ఉన్నంత వరకూ
Page 427
బ్రహ్మశ్రీ యల్లంరాజు శ్రీనివాస రావు