కర్మసన్యాస యోగము
భగవద్గీత 
మరి అలా ఉండాలంటే సామాన్యం గాదు. ఆ పాటికి స్థిరత్వ మేర్పడాలి వాడి బుద్ధికి. సర్వభూతేషు ఏకః సమః నిర్దోషః ఆత్మా అని అర్థం వ్రాస్తున్నారు స్వామివారు. సమస్త పదార్థాలలోనూ ఉన్నదొకే ఒక ఆత్మ అది నిర్దోషమూ సమమూ - అది నా స్వరూపమే ననే స్థిరమైన బుద్ధి ఉండాలి వాడికి. అప్పుడే అసమ్మూఢః - ఏవిధమైన సమ్మోహం లేదు వాడికి - అంటే అజ్ఞానం లేదని అర్ధం. సమం విషమంగా భావించటమే అజ్ఞానం. ఈ కనిపించే వైషమ్యం కూడా వాస్తవంలో సమమైన బ్రహ్మమేనని గుర్తించక పోవటం. గుర్తిస్తేనే వాడు బ్రహ్మవిత్ - బ్రహ్మజ్ఞాని. అంతే కాదు. బ్రహ్మణి స్థితః అంటున్నది గీత. బ్రహ్మంలోనే పాదుకొని ఉన్నాడు జ్ఞాని. మిగతా లోకులు లోకవ్యవహారంలోనైతే వీడు బ్రహ్మతత్త్వంలో ఉన్నాడు. స్వప్న ప్రపంచ మొకడు చూస్తుంటే అదే జాగ్రద్దశగా మరొకడు చూస్తున్నాడు. యా ని శా సర్వభూతా నా మనే శ్లోకభావ మిక్కడ తొంగి చూస్తున్నది. లోకులకు విషమమైనది జ్ఞానికి సమం. జ్ఞానికి సమంగా కనిపించేది వారికి విషమం. ఒకరిది ప్రపంచం మరొకరిది పరమాత్మ.
బాహ్యస్పర్శేష్వసక్తాత్మా విందత్యాత్మని యత్ సుఖమ్ |
స బ్రహ్మయోగయుక్తాత్మా సుఖమక్షయమశ్నుతే || 21 ||
ఇందులో ఏది కావాలి నీకని అడుగుతున్న దిప్పుడు గీత. బాహ్య ప్రపంచంవల్ల కలిగే సుఖమే కావాలా నీకు. దానితోనే తృప్తి పడతావా లేక బ్రహ్మ నిష్ఠలో పొందే సుఖం కావాలా. మొదటిది తాత్కాలికమైన సుఖమైతే రెండవది అక్షయమైన సుఖం ప్రాపంచికమైన సుఖం తాత్కాలికంగా నీకు
Page 422
బ్రహ్మశ్రీ యల్లంరాజు శ్రీనివాస రావు