కర్మసన్యాస యోగము
భగవద్గీత 
ఇలా నిర్లిప్తమైన చిత్తంతో సాధకుడే కర్మ చేసినా లిప్యతే న సపాపేన. దానివల్ల కలిగే వుణ్యపాపాలు వాడినంటవు. పుణ్యం కూడా పాపం క్రిందనే జమ కడతారా చార్యులవారు. ఒకటి బంగారు సంకెల. మరొకటి ఇనుపసంకెల రెండూ నిన్ను బంధించేవే. తేడా ఏముంది. ఎలా సోకదో చెబుతున్నాడు. పద్మ పత్ర మివాంభసా కనుక నిస్సంగ బుద్ధితో ఏకర్మ చేసినా దానికి ఫలితం లేదు. నిన్నుసోకదు. ఒక తామరాకు మీద నీటి బొట్టు పడ్డా అది దాన్ని ఎలా సోకదో అలా. పైకి అంటినట్టే కనిపిస్తుంటుంది. కాని దగ్గరికివెళ్ళి ఆకు మీద పడ్డ బొట్టు విదిలించి తడివిచూస్తే ఎక్కడా నీ చేతికి తడి తగలదు. అలాగే తామరాకు లాంటి నీ మనసుకు కూడా కర్మ ఫల మంటదు. ఎవడు కర్తనని భావిస్తాడో వాడికే అంటుతుందది. నీవు కర్తవే అనుకోకపోతే ఎలా అంటుతుంది. కర్త కాని వాడు భోక్త కూడా కాబోడు.
కాయేన మనసా బుద్ధ్యా కేవలైరింద్రియైరపి |
యోగినః కర్మ కుర్వంతి సంగం త్యక్త్వాఽఽత్మశుద్ధయే || 11 ||
కనుకనే కర్మ అనేది తక్కువగా చూడకూడ దెవ్వడూ. మోక్షసాధనలో మొదటి మెట్టు కర్మయోగమే. అది నీసత్త్వాన్ని శుద్ధి చేస్తుంది. అహంకార మమకారాలే మాలిన్యం మానవుడి మనస్సుకు. రజస్తమో గుణ ప్రభావమది. అది వదలనంత వరకూ ఆత్మ జ్ఞానానికే ఆశలేదు. ఇక మోక్షాని కేముంది. మరి మనో మాలిన్యం పూర్తిగా క్షాళితమై పోవాలంటే కర్మ యోగమే మార్గం.
అందుకే యోగినః కర్మకుర్వం తి కర్మ చేసే వారంతా యోగ బుద్ధితో తాము చేసే కర్మలన్నీ చేస్తూ పోతారు. కర్తృత్వ భోక్తృత్వాలను
Page 397
బ్రహ్మశ్రీ యల్లంరాజు శ్రీనివాస రావు