అదీ ఏదో క్రొత్తగా పట్టుకొంటున్నామని అపోహ పెట్టుకోరాదు మరలా పట్టుకొన్న దాన్నే మధ్యలో మరచిపోయి మరలా గుర్తు చేసుకొంటున్నా మనే భావించాలి. దీనికే ప్రత్యభిజ్ఞ అని పేరు శాస్త్రంలో. ఇది ఒక్కటే సాధన మరేదీ గాదు.
కైర్లింగై స్త్రీన్ గుణానేతా - నతీతో భవతి ప్రభో
కిమాచారః కధం చైతాం - స్త్రీ న్గుణా నతివర్తతే - 21
అయితే మరి జీవించి ఉండగానే అమృతుడయి పోతాడీ మానవుడని ఆశీర్వదించారే దానికేమిటి నిదర్శనం. వాడు నిజంగా ముక్తుడయ్యాడో లేదో తెలుసుకోట మెలాగ. మనలాగే బ్రతుకుతుంటాడు. మనమధ్యనే తిరుగుతుంటాడు గదా. మనకన్నా ఏ విశేషముంది వాడిలో. అది ఎలా బయటపడుతుందని ఇప్పుడొక ఆశంక. అదే ఆవిష్కరిస్తున్నాడు వ్యాసభగవానుడు. కైర్లింగైః అని. గుణాలను దాటిపోతాడన్నారు గదా. గుణాతీతుడయి పోయాడని ఏ ఏ లింగాలను బట్టి మనం గ్రహించాలి. లింగమంటే బయటపడి కనిపించే చిహ్నం. గుర్తు. లక్షణం. ఏమిటా లక్షణాలు. కిమాచారః - అలాటి వాడి ప్రవర్తన ఎలా ఉంటుంది. అంతే కాదు. కథం చైతాన్ త్రీస్ గుణా నతి వర్తతే. వాడొకడే కాదు గదా హక్కుదారు. అందరికీ ఉంది గదా అలా దాటిపోయే అధికారం. అవకాశం. మరి ఆ మార్గమేదో చెప్పండి. మేమూ ప్రయత్నిస్తామని ప్రశ్న వచ్చింది.
బ్రహ్మశ్రీ యల్లంరాజు శ్రీనివాస రావు