జ్ఞాన యోగము
భగవద్గీత 
అవలీలగా దాటి పోగలవు. ఎలాగ. జ్ఞాన ప్లవేనైవ. బ్రహ్మజ్ఞానమే ఒక పెద్ద పడవ. అందులో ఎక్కి కూచున్నావంటే ఎంత విశాలమైన సాగరమైనా ఎంత తుఫాను గాలి కది కలగుండు పడినా - అది నిన్నేమీ చేయలేదు. నీవెక్కి కూచున్న నౌక భౌతికం కాదు బలహీన పడటానికి అభౌతికమైన జ్ఞాననౌక ఇది. భౌతిక శక్తు లేవీ దాని కవరోధం కల్పించ లేవు. చీకటి పొరల లాగా ఎక్కడి కక్కడ విరిసిపోతాయి.
ఇక్కడ పాపమనే మాటకు పుణ్యమని కూడా అర్థం చెప్పుకో మంటారు భగ వత్పాదులు. ఎందుకంటే అవిద్యా కామకర్మలే పాపాలంటే పడగొట్టే దేదో అదీ పాపమన్నా పాతక మన్నా అర్థం. సంసారంలో పడగొట్టింది మొదట అవిద్య తరువాత దాని వల్ల పడ్డాము మనం కామంలో అది పడగొడితే మళ్లీ పడ్డాము కర్మలో. అది పడగొడితే పడుతున్నాము మరలా జన్మలో. ఇలా కర్మ జన్మకూ జన్మ కర్మకూ దారి తీస్తున్నప్పు డది ధర్మమైనా అధర్మమైనా రెండూ ఒక్కటే. రెండూ పడగొట్టే బాపతే. రెండూ మహా పాపాలే. అందుకే జన్మతః మనం పాపుల మయ్యాము. పాపోహం పాపకర్మాహం పాపాత్మా పాపసంభవః అంటే అర్థ మిదే. అలాంటి పాపాలన్నీ ఇప్పుడీ జ్ఞానాగ్నిలో పడి భస్మీ పటలం కాక తప్పదు. అలా కాక పోతే జ్ఞానమనేది ఉదయించి ప్రయోజనం లేదు. మోక్షాని కసలు ఆశేలేదు.
యథైధాంసి సమిద్ధోఽగ్నిర్భస్మసాత్కురుతేఽర్జున |
జ్ఞానాగ్నిః సర్వకర్మాణి భస్మసాత్కురుతే తథా || 37 ||
Page 357
బ్రహ్మశ్రీ యల్లంరాజు శ్రీనివాస రావు