ధాత్రి కృతియ గాన కృతి రచింపు మని కంఠోక్తిగా పెద్దన గారే చెప్పుకొన్నారు. ఈ మాటలలో రసవంతమైన కావ్య మెప్పటికీ నశించదని చెపుతూ తన రచన చిరస్థాయిగా ఉండగలదని భ్యంగ్యంతరంగా సూచిస్తున్నాడు మహాకవి.
పైగా కృతి అనే పదాన్ని పునరుక్తం చేయటంలో గూడా ఒక గాంభీర్య మిమిడి ఉన్నది. కావ్యం వేరు కృతి వేరు. దాని కన్నా దీనికి కొంత లోతైన అర్ధమున్నట్టు కనిపిస్తుంది. కృతి అంటే పని లేదా పనితనం. ఇంగ్లీషులో కూడా Work అని Workman ship అని వ్యవహరిస్తారు. పారశీక సాహిత్యంలో గొప్ప గొప్ప కావ్యాలను 'శహకార్' అనే నామ ధేయంతో పిలుస్తారు. 'కార్' అంటే పని అని అర్ధం. ఆంగ్ల సాహిత్యాని కంతా పెన్నిధి ఐన లాటినులో గూడా మాగ్నం ఓపస్ అని ఉత్తమ కావ్యాలను పేర్కొనటం వాడుక. ఓపస్ అనే మాటకు పని అనే భావం. ఇంతకూ ఒక కావ్యాన్ని పట్టుకొని పని అని పేర్కొనటమేమిటి ? అక్కడే ఉంది రహస్యం. కవి ఐన వాడొక కావ్యాన్ని రచించటం వరకే అయితే ప్రయోజనం తేదు. ఆ కావ్యంలో తన పనితనం Art ఎంత ఉందో అంతా పొందు పరచి చూపగలగాలి. అప్పుడే కావ్యం కేవలం కావ్యం గాక కృతి అవుతుంది, అలాంటి కావ్యాన్ని రచించిన కవి కూడా కృతి అవుతాడు.
పెద్దన అక్షరాలా ఇలాంటి కృతిని రచించిన సుకృతి. పెద్దన వలె కృతి జెప్పిన పెద్దనవలె కాని వాని పెద్దనవలెనా అని కొంటెగా చెప్పినా చౌడప్ప చక్కగానే చెప్పాడు. ఈ కృతిలో పెద్దన పనితన మంతా ఆకృతి కట్టిందని చెప్పవచ్చు. చౌడప్ప చెప్పినట్టు అదే పెద్దన్నను కవులందరిలో పెద్దన్ననుగా చేసిందని కూడా అనుకోవచ్చు.
Page 56
