శాంకరాద్వైత దర్శనమ్ విక్రియా - యద్ధి యస్య నాన్యాపేక్షం న తత్తత్త్వం - అన్యాభావే అభావాత్ యేషాం పున రీశ్వరోన్యః ఆత్మనః కార్యంచ (జగత్) అన్యత్ తేషాం భయానివృత్తిః - భయస్య అన్యనిమిత్తత్వాత్ - న త్వయం విభాగః పరమార్థతో స్తి - యస్మా త్తయోః కార్య కారణయో రనన్యత్వ మవగమ్యతే కార్యమా కాశాదికం బహు ప్రపంచం జగత్ - కారణం పరం బ్రహ్మ తస్మాత్కారణాత్ వ్యతిరేకేణ అభావః కార్యస్య అవగమ్యతే - యది జగత్ యదీశ్వరః యదివా జీవః - సన్మాత్రంహి బ్రహ్మ సామాన్య లక్షణం సద్విశేషాస్తు ఆకాశాదయః ఈశ్వరా దయశ్చ - విశేషా ఏవవికారాః వికారా నతత్త్వ మిత్యుక్తం అతోన తత్త్వం ఈశ్వరాదయః - కేవల మాభాసా ఏవతే ఆత్మ చైతన్యస్య - ఆత్మనో వ్యతిరేకేణ అనుప లభ్య మానత్వాత్ - స్వతశ్చ స్వాత్మలాభా సంభవాత్
బ్రహ్మతు సనాత్రం న సద్విశేషః - యధా ఈశ్వరాదయః అతస్త ఇవ ఆత్మానోత్పద్యతే - అసత్యతిశయే ప్రకృతి వికార భావానుపపత్తేః -నాపి సద్విశేషా దృష్ట విపర్యయాత్ - సామాన్యార్ధి విశేషా ఉత్పద్యమానా దృశ్యంతే మృదాదేరివ ఘటాదయః - నతువిశేషేభ్యః సామాన్యం నాప్యసతో నిరాత్మకత్వాత్ - నచ వికారేభ్యో వికారోత్పత్తి దర్శనాత్ బ్రహ్మణోపి వికారిత్వం భవితు మర్హతి - మూల ప్రకృత్యనభ్యుపగమే అనవస్థా ప్రసంగాత్ యామూల ప్రకృతి రభ్యుపగమ్యతే త దేవనో బ్రహ్మ యఏవ ఆత్మా
Page 8
బ్రహ్మశ్రీ యల్లంరాజు శ్రీనివాస రావు