శంకర భగవత్పాదాః
భజే సర్వ వేదాంత విజ్ఞాన తేజః ప్రదీప్తాఖిలాంగం విముక్తానుషంగమ్
భజే సర్వ మాత్మేతి సంసార తీర - ప్రవేశోప దేశైక నౌకర్ణ ధారమ్
భజే సర్వ లోకావ నోద్యోగ దీక్షా - పరిత్యక్త కైలాస వాసం గిరీశమ్
భజే శిష్య వాత్సల్య హేతోః ప్రణీత - ప్రమోదావహా నేక దివ్య ప్రబంధమ్
భజే బ్రహ్మ విజ్ఞాన పీయూష ధారా - వినిరౌత శిష్యాంత రంగానులేపమ్
భజే భూరి వాగ్ధారణీ వాయు వీచీ - విధూతోరు విద్వన్మహా వారి వాహమ్
భజే కర్మ యోగాది మార్గ ప్రభేద - ప్రవాహ ప్రవేశోన్ము ఖాద్వైత వార్ధిమ్
భజే నామ రూపాది వైషమ్య జాత - ప్రభూతాసురోచ్చాట నాద్వైత మంత్రమ్
భజే గౌడ పాద ప్రశిష్యం మహాన్తం - భజే పూజ్య గోవింద పాదస్య శిష్యమ్
భజే మన్మనో నేత్ర నిత్యాపరోక్షం గురుం శంకరం శంకరాభిన్న మూర్తిమ్
గురు సమాశ్రయణమ్
వివేక చూడామణి రోచిషైవ
మనో గుహాంతర్గత మంధకారమ్
విధూయ కుర్వంత మిహ ప్రబోధం
సమాశ్రయే శాంకర మర్క బింబం
మహోషర క్షేత్ర నిభాని పుంసాం
విశుష్క భూతాని చ జీవితాని
సుబోధ వృష్ట్యా పరితర్పయంతమ్
సమాశ్రయే శాంకర మంబువాహమ్
అగాధ సంసార పయోధి మగ్నాన్
ముముక్షు లోకానిహ మోక్ష తీరే
అద్వైత పోతేన నివేశ యంతం
సమాశ్రయే శాంకర కర్ణధారమ్
Page 2
బ్రహ్మశ్రీ యల్లంరాజు శ్రీనివాస రావు