అన్నమాచార్య సుప్రభాతం
శ్రీమత్ త్వదీయ చరితామృత మన్నయార్య
పీత్వాపి నైవ సుహితా మనుజా భవేయుః
త్వం వేంకటాచల పతేరివ భక్తి సారం
శ్రీ తాళ్ళపాక గురు దేవ నమో నమస్తే
సాహిత్య జాంగల వన్డే హరి భక్తి బీజ
మాకీర్య కీర్తన జలై రభిషిచ్య నిత్యం
సాయుజ్య ధాన్య నిచయం దిశసి ప్రజాభ్యః
శ్రీ తాళ్ళపాక గురు దేవ నమో నమస్తే
త్సత్సాహితీ కలమ రాశి కణాన్ గృహీత్వా
సర్వే ప్రబంధ కవయశ్చటకా యథైవ
కుర్వన్తి కావ్య గగనే కల కూజితాని
శ్రీ తాళ్ళపాక గురు దేవ నమో నమస్తే
భాషా పయోధి మథనే పరితః ప్రకీర్ణై
రంభః కణైరివ పదై స్సకలాంధ్ర లోకం
ఆపూరయన్ హరిరివాభి నవో విభాసి
శ్రీ తాళ్ళపాక గురు దేవ నమో నమస్తే
వాగ్గేయ కార మతి వైభవ దీపకేషు
త్వత్కల్పితేషు రస దిగ్ధ పదేషు నిత్యం
కుర్వత్సు బోధమిహ నః కుత ఏవ మోహః
శ్రీ తాళ్ళపాక గురు దేవ నమో నమస్తే
నానా విధాభి రపి తే నృవరార్పితాభిః
సంపల్లతాభి రనిరుద్ధ మనో విహంగః
శ్రీ వేంకటేశ పదయోః స్వయమేవ బద్ధః
శ్రీ తాళ్ళపాక గురు దేవ నమో నమస్తే
Page 3
బ్రహ్మశ్రీ యల్లంరాజు శ్రీనివాస రావు