అన్నమాచార్య
అన్నమాచార్య ఇతి నామైన చిత్రమేతత్ - కిమిదమ్ సంస్కృతం-కిమాంధ్రం కింవాన్యత్ - యత్తద్వాపి భవేత్-నశక్యతే నిరూపయితుం - ఏవ మస్య జీవిత మపి న శక్యతే విభావయితుం - కిమయం తాళ్ళపాక వంశా దుత్పన్నః- కింవా భాగవతానా మేవ వంశాత్- కిమస్య ప్రసవ భూమి ర్లక్ష్మాంబా కిముత లక్ష్మీ ధరస్య హస్త గతో నందక ఏవ యథా లౌకిక: తథాస్య లోకోత్తరోపి దృశ్యతే వృత్తాంతః - అథవా కారణ జన్మనాం తాదృశానాం చరిత్ర మేన తత్తాదృశం భవతీతి న కించిదత్ర విస్మయనీయం.
విరలాః ఖలు తాదృశో మహాత్మానః తదా తదా లోకే సముత్పద్యంతే అధికృతా ఏవ తే పరమేశ్వరేణ తేషు తేషు కార్యేషు ప్రాదుర్భవంతి య ఏవ పరమాత్మనః స ఏవ తేషా మపి సముద్యోగః కోసౌ కోవాన్యో జీవలోకస్య సముద్ధరణా దృతే - స ఏవ లోక సంగ్రహ ఇతి గీయతే గీతాదిషు వేదాంత సందర్భేషు.
సచాయ మధర్మ నిర్మూలనం ధర్మ సంస్థాపన మితి ద్వివిధో వర్తతే లోక సంగ్రహః - అధర్మో యావన్న నిరస్యతే తావన్న ధర్మః ప్రతిష్ఠితో భవతి తావన్న లోక యాత్రా - లోక యాత్రా తావద్దూరే తిష్ఠతు - జీవ యాత్రాపి మనుష్యాణాం న సఫలతా ముపయాతి జీవితం నామ తావత్ పురుషార్థ సిద్ధయే భవతి పురుషార్ధశ్చ సుఖాను భవ ఏవేతి సర్వ ప్రాణినాం స్వరసత ఏవ సిద్ధః నాత్ర విప్రతిపత్తి లేశోపి - తచ్చ సుఖ మర్థ కామాభ్యాం యద్యపి సిధ్యతి న తత్ సర్వదా సర్వథా చోప భోక్తుం శక్యతే యదినామోప భుజ్యతే ఆ మరణాదేవోప భుజ్యతే
Page 4
బ్రహ్మశ్రీ యల్లంరాజు శ్రీనివాస రావు