మరణా దనంతరంతు నలభ్యతే భోక్తుం అనంతరమపి యది భవేత్ తద్ధర్మాదేవ భవేత్ - ఇహాముత్ర చోప కరోతి యస్య ధర్మః పతితే ప్యస్మిన్ శరీరే జీవం ధారయన్నేవ సతం లోకాంతరాణి జన్మాంతరాణిచ నయన్ వర్తతే అత ఏవ ధారణా దయం ధర్మః ఇత్యభిఖ్యాం భజతే- అస్యైతా దృశస్య ధర్మస్య సాధనాయైవ ఏతన్మానుషం శరీరం నో భగవతా ప్రసాదితం- అనేనోప కరణ భూతేన ధర్మం చరిత్వా తత్ఫల భూతం యద్దివ్యం సుఖం తదను భోక్తవ్య మస్మాభి ర్మనుష్యైః.
అయంచ ధర్మః ప్రవృత్తిః నివృత్తిరితి ద్వేధా వర్తతే - ప్రవృత్తే రభ్యుదయః ఫలం - నివృత్తే: నిశ్రేయసం - ఆద్యః కర్మా చరణేన ద్వితీయో జ్ఞానాభ్యాసేన చ సంపాదనీయ:- ఏవంచ కర్మ జ్ఞాన మితి మార్గ ద్వయం లోకే ప్రవృత్త మాదితః ప్రభృతి అధికార తారతమ్య మాలోచ్య - అస్య మార్గ ద్వయస్య ప్రఖ్యాపనాయైవ మహా పురుషాః తదా తదా అవతీర్ణా భవన్తి లోకే స్వయం తీర్ణాస్తే పరానపి తారయితు ముత్సహంతే శుచీనాం శ్రీమతాం గేహే అథవాయోగినా మేవ కులే తే జాయస్తే.
తధైవ జాతః కశ్చిత్ కారణ జన్మేవ ప్రతిభాతి శ్రీమానయ మన్నమాచార్యోపి అత ఏవ సకలోపి విచిత్ర తయా జన్మనః ప్రభృతి అస్య మహాత్మనః వ్యవహారః సముప లక్ష్యతే - భగవత్పాణి గతస్య నందకస్య అంశాదయ ముదయం ప్రాప్త ఇత్యపి న సత్య దూరం భగవద్భక్తి పరిపాక వశాత్ సంసార విష వృక్షస్య మూలోచ్ఛేదనాయైవ కిలాయం భాగవత శిరోమణిః ప్రవృత్తః యదిన జాతః కథమివ తన్మహత్తరం కర్మ కర్తుం పారయేత్. నందకాంశాత్
శైశవ ఏవ విరక్తాః భవన్తి ప్రాయశో మహాపురుషాః నతేషాం సంసార బంధనా గారః - కిన్తు విలాసాంగణ ఏవ కేవలః - అథవా మనస్యేవ సంసారో న జగతి కస్యచిత్ - అన్నమాచార్యోపి యదా షోడశవర్షియః తదైవ గృహం విహాయ పదయాత్రయా సప్తగిరి నాయకం పరిచరితుం సర్వ సన్నాహేన గతః- పర్వత మారోహత స్తస్య యథా శఠకోప యతేః తథా షోడశవర్ష దేశీయస్యైవ వేంకటేశః పురస్తా దావిర్బభూవేతి కిముప వర్ణనీయోస్య మహిమా ప్రహ్లాద నారద ధ్రువాదీనా మివ పురాకృత సుకృత పుష్ప పుంజస్యైవ ఫలమిదం యదస్య సాక్షాలక్ష్మీపతే ర్దర్శనమ్
Page 5
బ్రహ్మశ్రీ యల్లంరాజు శ్రీనివాస రావు