అప్పుడు తెలుస్తుందాయన అతిలోకమైన పరాక్రమమెట్టిదో. ఒకే బాణ మది అమోఘం. రెండవ బాణ మక్కరనేలేదు. ఒక్క బాణమే హతమార్చింది తాటకాదులను. ఒక్కటే జవాబు చెప్పింది పరుశురాము డి అహంకారానికి. చాటు నుంచి వేసినా గురి తప్పక ప్రాణాలు తీసింది వాలినది. కావు కావు మని అరచి పరచి మరలా తన కాళ్లమీద పడేదాకా తరమికొట్టింది కాకాసురుణ్ణి. కడకు కోపం వచ్చి కడలి మీద కూడా ఒక్క బాణమే ఎక్కుపెట్టింది. సముద్రుడు పాదాల మీద పడ్డా విడిచిపెట్టదది. దాని పని అది చేయవలసిందే. తాటకాదుల దగ్గరి నుంచీ అలాగే గదా చేస్తూ వచ్చింది. కనుక అతడి సలహా మేరకు తనకు బాధ కలిగించే ఉగ్ర కర్ములైన ఆ భీరాదిదస్యుల నందరినీ అది అంతమొందించింది.
కాబట్టి రాముడి వీర్యమంటే అలాంటిది. పైగా ఉత్తమ వీరగుణ సంపన్నుడెప్పుడూ తేలిక బుద్ధి చూపడు. తనకు సరిదీటైన వీరుడితోనే పోరాడుతాడు తప్ప దీన హీన మానవుల జోలికిపోడు. తెలియక తప్పుచేసినా శరణువేడినా వారిని కరుణించి క్షమించగలడు. మందు చెప్పిన మాటలలోనే చూడవచ్చు ఆ లక్షణం. సకృదేవ ప్రపన్నాయ- తవాస్మీ తిచ యాచతే అభయం సర్వభూతే భ్యో - దదామ్యేత ద్వతంమమ - ఒక్కసారి వచ్చి మరుగుచొచ్చితే చాలు. వాడెలాటి నీచుడైనా అభయ మిస్తానంటాడు. కడకు రావణుడైనా సరేనట. శుకసారణులను కాకాసురుణ్ణి అలాగే కాపాడాడు. శుకసారణులు గూఢచారులయి వచ్చి పట్టుబడి ఆయనను శరణు వేడితే శత్రుపక్షీయులని తెలిసికూడా యదిదృష్టం బలం కృత్స్నం వయంవా సుపరీక్షితాః- మా సైన్యాన్ని మమ్ములను అందరినీ బాగా పరీక్షించారు గదా. మీరు మా సైనికులకు చిక్కిపోయామని భయపడకండి. - న్యస్త శస్త్రులను మేమెప్పుడూ కస్తి పెట్టము. నిర్భయంగా మరలిపొండి. ఒకవేళ ఇంకా చూడవలసింది మిగిలిపోతే తొందరేమీ లేదు. నిదానంగా చూచి వెళ్ళండి. వెళ్ళి మీ రావణుడికి చెప్పండి నా మాటగా - ఏ బలాన్ని
Page 59
