యావ దశేషం జగ ద్విమృశత్యేవ శబ్దః. విమృశ్యమాణే సతి అర్థోపి శబ్ద భూత్వా పున రన్య మర్థం విమృశతి. తథాహి. పృధివీతి శబ్దః స్థూలా మిమాం భూమి మాఖ్యాతి. సాచ భూమి ర్న తావతా తిష్ఠతి. సా పునః స్వ కారణం సలిల మాఖ్యాతి. తచ్చ తేజః. తదపి వాయుం. వాయుశ్చ ఆకాశం.
సోప్యాకాశః. న తద్రూపేణ అవతిష్ఠతే. జడాయా స్తస్యాః స్వతస్సిద్ధే రభావాత్ స్వ సాక్షిణం శివచైతన్య ప్రకాశ మభి దధాత్యేవ. స చ ప్రకాశః చైతన్య స్వాభావ్యా దాత్మనః సిద్ధయే న కించి దన్య దపేక్షతే. అత ఏవాయం పరమార్ధ ఇత్యుచ్యతే. పరమశ్చాసా వర్ధః పరమార్థః. పృధివ్యాది సర్వార్ధా పేక్షయా పరమః నిరతిశయః. నహి సర్వ సాక్షిణ మేన మతి శేతే కోప్యర్థః. సచాయం పరమోర్థం: కేన ప్రతి పాద్యేత. పరమేనైవ శబ్దేన. కోసౌ శబ్దః, పరమార్థోయం యేన భావ్యతే. సా చ ఆకాశవత్ నిరాకారా నిశ్చలా వ్యాపినీ శివాకారా బుద్ధి వృత్తిరేవ. అత ఏవేయం పరా వాగుచ్యతే వృత్తిః. ఏవం ద్వయోరపి వాగర్థయో రస్యాం దశాయాం నిరాకార వ్యాపకత్వా ద్యవిశేషాత్ ప్రకాశ విమర్శియో రపృధగ్భావే సిద్ధే తద్రూప ప్రతిచ్ఛన్నయోః శివ శక్త్యా రేకా త్మతైవ సిద్ధా.
ఏషైవ జీవై రధిగంతవ్యా పరావస్థా ముక్తి రూపిణీ. పరా సిద్ధి రప్యేషైవ. అతోన్యస్యా స్సిద్ధే రనుపపత్తేః. సైషా స్వాభావికృపి అనాద్యవిద్యా దోషవశాత్ తిరోహితా. పునఃపున ర్విమర్శ రూపిణ్యా బుద్ధ్యా అనుగమ్య మానా సాకల్యేన ప్రకాశమానా ఇమం సాధకం అపవర్గ ఫల ప్రధానేన అనుగృహ్లాతి. నామ పారాయణ మితి అర్థోత్ర పర్యవసితో భవిష్యతి. నామ్నాం యత్ పర మయనం మోక్షాఖ్యం ఫలం తదనేన ఉపనత మితి కృత్వా నామాని సర్వాణి విమర్శ రూపా బుద్ధి వృత్తయ ఏవ. తేషాం యత్ పరం నామ చిదాకాశ విమర్శ రూపిణీ బ్రహ్మాకార వృత్తిః తస్యాః పారం బ్రహ్మైవ స్వాత్మా నతిరిక్తం సాధకస్య. యా పరా సిద్ధి రుచ్యతే.
ఏవ మనేన క్రమేణ పరయా బుద్ధ్యా విమర్శ రూపిణ్యా పరాం సిద్ధిం ప్రకాశాత్మతా మనుప్రాప్తో యస్సన సాధారణో గణేశః. కింతు మహా గణేశ పదవీ మేవ భజతే. మాతా పిత్రోశ్చ శివశక్త్యాః ప్రీతి పాత్రం చ భవతీతి కిము వక్తవ్య మస్య మాహాత్మ్యం. పరం త్వేతా దృశః పుమాన్ లోకే సుదుర్లభః. మనుష్యాణాం సహస్రేషు
Page 17
బ్రహ్మశ్రీ యల్లంరాజు శ్రీనివాస రావు