పారిశేష్యాత్ యదస్తిత్వం తస్య చైతన్యస్య త దేవ స్యా త్ప్రతిబంధక మస్మదనుభవస్య ఇతి బలాదాపతతి - శక్తిరేవైషా సత్తా చైతన్యస్య - శక్తి స్వరూపత్వాన్నిర్వికల్పా సవికల్పా ఇతి ద్విధా భవతి యావ దవ్యక్తా సా నిర్వికల్పా శక్తిరేవ కేవలా శక్తిమతా చైతన్యేనా వినాభూతా - సైవ యదా వ్యక్తదశా మాపద్యతే తదా వికల్పం భజమానా సవికల్పాపి భవతి ననుస్వతో చేతనా సా శక్తిః - అచేతనాయాస్తస్యాః కథ మేవం వికల్పం భజేయ మితి సంకల్పో భవితుం యుజ్యతే - స్వయ మచేతనాపి సాచైతన్యేన నిత్యం సంగతైవేతి నవిస్మర్తవ్యం - అతః చైతన్య బలేనైవం భవితుం యుజ్యత ఏవ - అధవా చైతన్య మేవ తదాశ్రయ భూతం వస్తుతో నిర్వికల్పమపి స్వశక్తి ద్వారా సవికల్పమివ ప్రతీయతే ఇతి యుజ్యతే తరాం
యద్వాతద్వా భవతు - నిర్వికల్పాపి సా సదాఖ్యా శక్తి స్సవికల్పా భూత్వా వికల్పాన్ సృజతి ప్రకర్షణ - ఏవం ప్రకర్షణ సృజతీతి సా ప్రకృతి రుచ్యతే అపిచ సృజ్యమానా యేవికల్పా స్తాన్ సర్వాన్ మినోతి పరిచ్ఛినత్తీతి మాయేతి తస్యాఏవ నామాంతరం తధా సృజ్యమానా వికల్పాః కీదృశా ఇతిచే దుచ్యతే - నామరూపక్రియా ఇతి త్రయ ఏవతే వికల్పాః – తత్రరూప మితి బాహ్యం వస్తు జాతం స్థావర జంగమాత్మకం సర్వం - నామ తత్త ద్విషయాకారా అంతర్జాయమానా వృత్తిః - అనేన జీవ జగదాఖ్యా ద్వావపి నిర్దిష్టా వేదితవ్యౌ- అధ తయో ర్ధ్వయో ర్యస్సం వ్యవహారః పరిస్పంద లక్షణ స్సా క్రియా -
Page 8
బ్రహ్మశ్రీ యల్లంరాజు శ్రీనివాస రావు