బాఢం శాస్త్ర మకించిత్కరమేవ స్యాద్యది నామ పూర్వోక్తస్య ఆత్మైకత్వస్య అనుభవః స్వర సత ఏవ జాయతే లోకస్య - నత్వయ మనుభవః సార్వజనీనః ఉపలభ్యతే కదాపి - ప్రత్యుత తద్విపర్యయేణ సమస్యా మేవాను భవతి లోకః జనన మరణాది లక్షణాం సార్వజనీనోయ మనుభవః న నాస్తితి శక్యతే అపహ్నోతుం - అనుభవాపహ్ననో నామ మహానయం దోషః యదా సర్వత్రాత్మైవ నాన్యదస్తీతి సిద్ధాంతః సర్వత్రాహ మస్మిన మద్వ్యతి రేకేణ కిమప్యస్తీతి అనుభవః కుతో నజాయతే.- కుతోవా తద్విపర్యయేణ జనన మరణాది సమస్యైవా స్మాభిరనుభూయతే ఇతికేనాపి ప్రబల తరేణ కారణేనాత్ర భవితవ్యం - కింతదితి గవేషణా క్రియతే శాస్త్రేణ - కృత్వాచ తత్పరిహార మార్గోప్యుపదిశ్యతే
ఆదౌ కారణం కిమి త్యభిధీయతే- తత్తు సచ్చితో రుభయో రన్యతర దేవస్యాత్త దతిరిక్తస్య తృతీయస్య పదార్థస్యైవా భావాత్ - కిం చైతన్యంత దస్తిత్వం కారణం యేన ప్రతిబధ్యతే అస్మాక మనుభవః - విచార్య మాణే నాయం చైతన్యస్యాపరాధః - తచ్చ నిర్వికల్పమేవ సదా - నజాతు వికల్పం భజతే - వికల్పో నామ విక్రియాస్వతో న్యధా భావః - యది విక్రియతే చైతన్యం సవికారః పునశ్చైతన్యేనైవ గృహ్యేత - గృహ్య మాణోయం వికారః కధం గ్రహీతుః స్వరూపం భవేత్ - గ్రాహ్య గ్రాహకయోః పార్థక్యేన భవితవ్యం సదా - న తదేవే త్యేకతా - తధా సతి న గ్రహణస్య అవకాశః ద్వయోరేకాత్మ కత్వాత్ అతః చైతన్యం సదా నిర్వికల్పమేవ న కదాపి విక్రియాం భజతే
Page 7
బ్రహ్మశ్రీ యల్లంరాజు శ్రీనివాస రావు