ఏవ మేతే త్రయోపి వికల్పా స్సత ఏవ శక్తేరావి ర్భూతాః స్వాశ్రయా మేవ సత్తా మాచ్ఛాద్య వర్తంతే సర్వత్ర - తై రాచ్ఛాదితేయం సత్తా తావన్మాత్ర పరిచ్ఛిన్నా సామాన్యరూపం విహాయ తత్తద్విశేషాను గుణ్యేన ఖండశో భూత్వా విశేషాకారేణైవ దృశ్యతే - తధాహి అస్తిత్వ రూపా ఘటపటా దీనీతి న విభావ్యంతే సర్వాణి వస్తుజాతాని - ప్రత్యుత ఘట పటాదీనా మస్తిత్వ . మితి విభావ్యతే తద్విపర్యయేణ ఏతావతా నకార్డ్స్యే నోపలభ్యతే సత్తా సాపి వస్తుత స్సర్వగతాపి ఏభిర్నా రూపాదిభి ర్వికల్పై రంతర్హితా సతీ - అపిచ న కేవలం శరీరా దృహి రేవైషా కదర్థితా కింతు శరీర స్యాపియా సత్తా సాపి వికల్పైరేతైః కలుషీ క్రియతే పరిచ్ఛిద్యమానా - తధాహి - శరీర మిదం ప్రాణోయం - బుద్ధిరియ మిమానీం ద్రియాణి చక్షురాదీనీతి శరీరమపి వికల్పైరేతైః పరిచ్ఛిద్యత ఏవ
వ్యావృత్త స్వభావ ఏష వికల్పోనామ - నశరీరం ప్రాణః న ప్రాణః కరచరణా దీని నాపితాని చక్షురాదీని నైతానీంద్రియాణి బుద్ధిః - బుద్ధా వపి నైకా ఆలోచనా అన్యా - నసుఖానుభవో దుఃఖానుభవః ఇత్యేవం = పరస్పర వ్యావృత్తా ఏవ యధా బహిశ్శరీరా దుటపటాదయః - ఘటః పటా ద్వ్యావర్తతే పటో గృహాద్గృహ మారామా దారామః పట్టణాత్ పట్టణం పర్వతా దితి తత్రాపి వ్యావృత్తిరేవ దృశ్యతే పదార్థానాం - కిం బహునా శరీరస్యాంత స్సుఖదుఃఖాది మనోభావా నారభ్య బహిః పృధి వ్యాద్యాకాశ పర్యంతం యత్కిమపి వస్తు పశ్యతు భవాన్ వ్యావర్తత ఏవ తదన్యస్మాత్ * ఏషా వ్యావృత్తి రేవ వికల్పః - వికల్పో వ్యావృత్తి ర్విశేషో వికార ఇతి సర్వే పర్యాయాః
Page 9
బ్రహ్మశ్రీ యల్లంరాజు శ్రీనివాస రావు