ఏవ మా బుద్ధి వృత్తే రావ్యోమ్న స్స మస్తోయం బాహ్యాభ్యంతరః ప్రపంచః వికల్పానా మేవ సామ్రాజ్యం - నతతో రేఖా మాత్ర మపి అన్య దుపలభ్యతే - తత్రైవం సతి యధైషా సత్తా చైతన్యస్య తైః పరిచ్ఛిన్నా సర్వత స్తధా చైతన్యమపి తదాస్పద భూత మేతైరేవ వికల్పైః పరిచ్ఛిన్న మివలక్ష్యతే నను శరీర మీద మస్మాకం వికల్పిత మిత్యుక్తం అసంఖ్యాతానాం వికల్పానాం బాహ్యాభ్యంతరాణా మేక తమ మిదం శరీరం నామ తాదృశ మల్పాల్పం శరీర మాక్లిష్య వస్తుత స్సర్వవ్యాపక మపి మమ తవచ చైతన్యం తస్మిన్నేవ పరిచ్ఛిన్నే శరీరే పరివర్తమానం తావ తైవ నియంత్రితం వర్తతే - నకేవలం నియంత్రితం శరీరే పరంతు శరీర మేవాహ మితి తేన తాదాత్మ్య మపి ఉపగత మితి నేతః పర మస్తి శోచనీయతా
అత్రై వాస్తి సమస్యా అస్మాకం యా పూర్వ ముదాహృతా - జన్మ మృత్యుజరావ్యాధ్యాది లక్షణా - ఆత్మైకత్వే సర్వత్ర విద్యమానే కధమేషా సమస్యా ఉపతిష్ఠతే - తధాపి ఉపతిష్ఠత ఏవ - కుతః - ఆత్మైకతా నిర్వికల్పా స్థితిః - న తత్ర జన్మ మరణాది వికల్పానాం ప్రవేశః - యది ప్రవేశః స తస్యాః స్థితే ర్వికల్పోపగమ ఏవ భవేత్ - కింకృతోయం వికల్పః - చైతన్య స్యయాశక్తిః స్థితి లక్షణా తన్ని మిత్తా - కింతు తేవికల్పా నామరూపాదయః ఆ శరీరా దావ్యోమ్నః సర్వత్ర సమానతయా వ్యాప్తా ఏవేతి తదాపి న సమస్యా - తర్హి సమస్యాయాః కిం మూలం - శక్తే ర్వికల్ప దశా మూలమితి యద్యపి ప్రతిభాతి తధాపి యావ ద్వికల్ప ఏవాహమితి తేన ఏకత్వం నోపగచ్ఛతి పురుష స్తావ త్సోపి వికల్పః న కారణం - తేషాం వికల్పానా .
Page 10
బ్రహ్మశ్రీ యల్లంరాజు శ్రీనివాస రావు