Index

శ్రీ విష్ణు సహస్రనామ అంతరార్థము

నామం	అంతరార్థము
అధిష్ఠానమ్	వాసవానుజుడు. జీవుడు చిదాభాసుడైతే ఆయన కూటస్థుడు. కనుకనే అది జన్మకాదు. అపాం పంచభూతాలకూ నిధి నిలయమైన వాడెలా జన్మిస్తాడు. జన్మించేది ఆరోపితమే అధిష్ఠానం కాదు. అధిష్ఠానం పరమాత్మ.
అప్రమత్తః ప్రతిష్ఠితః	ప్రమత్తత అంటే పరాకు. అది ఉన్నప్పుడే జన్మ. అది ఎప్పుడూ లేని అప్రమత్తుడాయన. తన ప్రజ్ఞానంలో తానెప్పుడూ ప్రతిష్ఠితుడే.
స్కందః స్కందధరః	స్కందుడంటే జారిపడినవాడు. ఈ జారిపడిన జీవుడెవడో కాదు మరలా. వీడిని ధరించిన స్కందధరు డాయనే.
ధుర్యః	ఈ జీవుణ్ణి కాదు. ఆ మాటకు వస్తే జగత్తును కూడా ధరించిన ధుర్యుడాయన.
అవరదః	అలా ధరిస్తూనే ఈ అవరమైన శరీరాదులు మనకిచ్చాడు.
వాయువాహనః	దీనిలో ఈ ప్రాణవాయువును ప్రవహింపజేశాడు.
వాసుదేవః బృహద్భానుః	ఈ దేహ ప్రాణాలేమిటో కావు మరలా. వాసుదేవుడనైన నేనేనంటాడు. వసతి దీవ్యతీతి వాసుదేవః - అస్తిభాతి ఉండటం ప్రకాశించటమే వాసుదేవ అంటే, ఉన్నది శరీర ప్రాణాలు. ప్రకాశిస్తున్నది లోపలి చైతన్యం. బృహత్ప్రకాశమది.
ఆదిదేవః పురం దరః	ఆదినుంచీ ఉన్నదా ప్రకాశం. పురందర త్రిపురాలనూ దారణం చేసే దీప్తి అది. త్రిపురాలేవో కావు స్థూల సూక్ష్మ కారణ శరీరాలే.
అశోకః తారణః తారః	తారణం చేస్తే కారణ శరీరమైన మోహశోకాలు పోతాయి ముందు. వాటితోపాటు పేకమేడలాగా మిగతావీ కూలి పోతాయి. అప్పుడీ జీవుణ్ణది తరింపజేస్తుంది. వీడు తరిస్తాడు.

Page 31

బ్రహ్మశ్రీ యల్లంరాజు శ్రీనివాస రావు