Index

శ్రీ విష్ణు సహస్రనామ అంతరార్థము

నామం	అంతరార్థము
భూతభవ్యభవన్నాథః పవనః పావనః అనలః	త్రికాలాలూ ఆ తత్త్వాన్ని మించి లేవు. వాటికదే నాథ న+అథ. దేని తరువాత మరొకటి లేదో అది నాథ. పవనః అది కదలకుండానే కదులుతుంది. పావన-కదిలించకుండానే కదిలిస్తుంది. అలమంటే ఇంత అని పరిమితి. అలాంటి పరిమితి లేనిది అనల పరిపూర్ణమని భావం.
కామహా కామకృత్ కాంతః	కదలాలంటే కోరిక ఉండాలి గదా. అలాంటికామమే లేదు దానికి. హా దాని నెప్పుడో వదిలేసింది. అసలులేదు. లేని కామాన్ని కృత్ సృష్టించగలదు. సృష్టించి మరలా అంతమూ చేయగలదు.
కామః కామప్రదః ప్రభుః	కామమూ అదే, కామప్రదమూ అదే, కామాన్ ప్రకర్షణ ద్యతి ఛినత్తీతి - ఆకామాన్ని చివరకు త్రుంచి పారేసేదీ అదే. ప్రకర్షణ భవతి - మూడు రూపాలుగానూ ఉండగలదది.
యుగాదికృత్	యుగమంటే ద్వంద్వం. ఆది అంటే మొదట. ఈ ద్వందాల నన్నింటినీ సృష్టికి పూర్వం కల్పించిందీ అదే. మరేదీ గాదు.
యుగావర్తః నైకమాయః మహాశనః	ఈ ద్వంద్వాలను సృష్టించి మరల వెనుకకు తీసుకొనేదీ అదే. ఒకటిగాదు దాని మాయ. ఎంతైనా ఉంది. మీయతే అనయా-దానితో అన్నిటినీ కొలిచి పారేస్తుంది. మరలా అన్నిటినీ అశన కబలించి వేస్తుంది.
అదృశ్యః వ్యక్తరూపశ్చ	చిత్రమేమంటే తాను కనిపించకుండానే అన్ని పదార్థాలనూ కనపడేలా చేస్తుంది మన దృష్టికి.
సహస్రజిత్ అనంతజిత్	వేలూ లక్షలూ ఆ కనపడే రూపాలు, ఒక్కమాటలో అనంతం, అంతం లేదీ నామరూపాలకు. వీటికి తాను వశం కాడు. మరలా వీటినే జయించి వశంలో ఉంచుకొన్నాడు.

Page 29

బ్రహ్మశ్రీ యల్లంరాజు శ్రీనివాస రావు