Index

శ్రీ విష్ణు సహస్రనామ అంతరార్థము

నామం	అంతరార్థము
జహ్నుః	జహాతి. వదిలేసేదేదో అది జహ్ను. అదే సాధుత్వాన్ని విడిచి అసాధువైన జగత్తుగా భాసించింది. అర్థం చేసుకొంటే మరలా అసాధుత్వాన్ని విడిచి సాధువై కనిపిస్తుంది.
నారాయణః నరః	ఇంతకూ నారాయణుడూ అదే. నరుడూ అదే. ద్విపాత్రాభినయం చేస్తున్నది. సత్తును వికల్పించి సద్విశేషంగా చూస్తే నరుడు, విశేషాలను సదాత్మకంగా దర్శిస్తే వాడే నారాయణుడు.
అసంఖ్యేయః అప్రమేయాత్మా	నరుడేమిటి ? నారాయణుడేమిటి ? సమస్త రూపాలూ ఆయన రూపాలే, ఇన్ని అని సంఖ్యలేదు వాటికి. అసంఖ్యేయం. అప్రమేయం కూడా. ప్రమాణానికి గోచరించేది కాదు. ప్రత్యక్షాది ప్రమాణాలకు ముందే సిద్ధించి ఉన్న శుద్ధ చైతన్యమది.
విశిష్టః శిష్టకృత్ శుచిః	శిష్టమంటే మిగులు. తనకదనమైనది అదనంగా మిగిలే పదార్థమే లేదు దానికి. అయినా శిష్టకృత్ ఏదో అదనంగా ఉన్నట్టు కల్పించి చూపుతుంది. అలా చూపుతున్నా దానివల్ల కలుషితం కాదు మరలా. అది వట్టి ఆభాసే గనుక శుచి, పరిశుద్ధమే.
సిద్ధార్థః సిద్ధ సంకల్పః సిద్ధి దః సిద్ధి సాధనః	ప్రయోజనమూ దానికి సిద్ధమే. దాన్ని పొందే సంకల్పమూ సిద్ధమే, దానికి క్రొత్తగా పొందనక్కరలేదు. మరెవరికీ అక్కర. మనకు, మనం సాధన చేస్తే అది మనకు సిద్ధినిస్తుంది. ఆ సాధనం కూడా దాని జ్ఞానమే. దాని జ్ఞానంతో దాన్ని అందుకోవలసి ఉంది. ఆత్మనా విందతే వీర్యమ్.
వృషాహీ వృషభః విష్ణుః	ఎలాగా ఆ అందుకోవటం, దాని అవరోహణ ముందు గమనించాలి. నామరూపాత్మకంగా తన తేజస్సును వర్షిస్తూ (వృష) దిగి వచ్చిందది (అహి) నామరూపాత్మకమైన దేహంగా

Page 26

బ్రహ్మశ్రీ యల్లంరాజు శ్రీనివాస రావు