Index

శ్రీ విష్ణు సహస్రనామ అంతరార్థము

నామం	అంతరార్థము
సహస్రాక్షః సహస్రపాత్	విశ్వమంతా వేయి కాళ్ళు పెట్టుకొని సంచరిస్తున్నాడు. ఎక్కడ చూచినా తానే. ఏది చూచినా తానే.
ఆవర్తనః నివృత్తాత్మా సంవృతః సంప్రమర్దనః	విశ్వమంతా సంచరిస్తున్నదీ తానే. విశ్వం నుంచి వైదొలగి కూచున్నదీ తానే. ఆవర్తనమంటే తిరగటం, నివర్తనమంటే మానేయటం. విభూతిగా విశ్వం. స్వరూపంగా విష్ణువు, స్వరూపంలోనే సంవృతం గుప్తమయి ఉన్నది విభూతి. దీనిని బాగా మర్దనం చేసి స్వరూపాన్ని పట్టుకోమనే బోధిస్తున్నాడు. మనకు.
అహస్సంవర్తకః వహ్నిః అనిలః ధరణీ ధరః	అహస్సంటే కాలం. కాలాన్ని వర్తింపజేశాడు. సృష్టించాడు. సృష్టించిన కాలచక్రాన్ని వహిస్తున్నాడు. చివర కనిలః ఇల అంటే చలించటం. చలించకుండా దాన్ని తనలో కలుపు కొన్నాడు. ఆ కాలమన్నింటినీ ధరించినదైతే దాన్ని శక్తిరూపంగా ధరించి ధరణీధరుడయినాడు.
సుప్రసాదః ప్రసన్నాత్మా	నిరాకారం ఏకం గనుక సుప్రసన్నం, నిర్మలమైనదది. అది ఏదో గాదు. చైతన్యరూపమైన నైర్మల్యం గనుక ఆత్మ.
విశ్వధృక్ విశ్వభుక్ విభుః	విశ్వాన్నంతా అదుపులో పెట్టుకొని విశ్వాన్నంతా అనుభవిస్తూ విశ్వమంతా వివిధ రూపాలుగా వ్యాపించాడు. కనుక ఆ తత్త్వాన్ని గుర్తిస్తే సాధకుడు కూడా అలాగే అయిపోగలడు.
సత్కర్తా సత్కృతః సాధుః	కారణం. అసలాయన తన సత్తునే సద్విశేషంగా మార్చి చూపుతున్నాడు. మరలా ఈ విశేషాలను లయభావనతో చూస్తే సత్కృతుడే అవుతాడు. అప్పుడంతా సత్తే కాబట్టి సాధువే ఈ సృష్టి. అసాధువు కాదు.

Page 25

బ్రహ్మశ్రీ యల్లంరాజు శ్రీనివాస రావు