మహాశక్తి గనుక దేనికైనా సమర్థురాలా దేవత. అంత సామర్థ్య ముందని ఏమిటి తార్కాణం.
పద్మే స్థితాం పద్మవర్ణాం తామి హోపహ్వయే శ్రియం.
పద్మంలో నివసిస్తున్న దాశక్తి. పద్మం వంటి వర్ణం కలిగినది. అలాంటిది గనుకనే నన్ను తప్పకుండా అనుగ్రహిస్తుందని నమ్మకం. అందుకే ఆ మహాశక్తిని నా మీది కావాహన చేసుకొంటున్నాను. పద్మంలో నివసించట మేమిటావిడ. పద్మ వర్ణ మేమిటావిడకు. పద్మమంటే కమలం గదా. అది సహస్రార కమలమే. అంటే వేలకొలది వృత్తులు గల మన అంతః కరణమే. ఏ ఆలోచన వచ్చినా మనసులోనే గదా వస్తున్నది. ప్రతి ఆలోచనలో తిష్ఠ వేసుకొని కూచున్నదా పరాశక్తే. ఆ శక్తి పరి స్పందమే ఈ ఆలోచన. ఏ ఆలోచన వస్తుంటే దాని ఆకారమే ధరిస్తుంటుందా శక్తి. అదే దాని వర్ణం.
అయితే మనసులో కలిగే ప్రతి ఆలోచననూ ఆహ్వానించ గూడదు మానవుడు. ధియో యోనః ప్రచోదయాత్తని త్రోసి పారేయాలి ఎప్పటికప్పుడు. మరి అన్ని వృత్తులూ త్రోసివేస్తే ఏ వృత్తిని ఆవాహన చేయాలి. ఏది మోక్ష మార్గానికి తోడు పడుతుందో అలాటి సవితుర్వరేణ్యం భర్గః - బ్రహ్మాకార వృత్తిని మాత్రమే. ఎలా ఉంటుందది.
Page 22
