Index

జ్ఞాన యోగము భగవద్గీత

పట్టుకోటమనే ప్రశ్నే రాదు. రాకుంటే అద్వైత దర్శనం కాదది. ద్వైత దర్శన మవుతుంది. కనుక యోగం విభూతించ అన్నంత మాత్రాన ఈ చూచేదంతా జ్ఞాన విభూతేననే అద్వైత దృష్టి ఉన్నట్టు అర్జునుడికి మన మాపాదించ లేము.

  కారణ మేమంటే అతడింకా ఎదట కనిపించే కృష్ణుడే ఈశ్వరుడని ఆయన ఏదో చెప్పబోతున్నా డదే ఆయన విభూతి అనే అపోహలో ఉన్నాడు. అంతేగాని ఆ ఈశ్వరుడెవరో గాదు. తన ఆత్మ స్వరూపమేనని ఆ విభూతి కూడా ఏదో గాదు. ఈ కనిపించే చరా చర ప్రపంచమంతా తన విభూతేననే గొప్ప అవగాహన లేదతనికి. లేదంటే అది అప్పుడెప్పుడో అర్జునుడికనే గాదు. అన్ని కాలాలలో ఉన్నారలాటి అర్జునులు. ఎవరో గాదు. మనమే ఆ అర్జునులం. మనకు మాత్రముండా ఆ ఈశ్వరుడు మన స్వరూపమేననే జ్ఞానం. అలాగే మన విభూతే మన జ్ఞాన విస్తారమే ఈ చరాచర జగత్తనే జ్ఞానం కూడా ఉందా మనకు. అలాటి ఆత్మాను సంధానం లేకనే అర్జును డడిగినట్టే అడుగుతుంటాము మనం కూడా. అదేమి టిదేమిటి రెండూ నాకు చూపుతారా అని తత్త్వవేత్తలైన సద్గురువులను. ఒకవేళ వాడు అదేమిటో ఆ రహస్యం నీకు బయటపెట్టినా ఆస్థాయికి నీ బుద్ధి ఎదగక పోతే అర్థమవుతుందా పెడుతుందా నీకు. అలాటి దశలోనే ఉన్నాడిప్పు డర్జునుడు. అందుకే భూయః కధయ - తృప్తిర్హి శృణ్వతో నాస్తిమే మృతం. మహాత్మా మీ అమృత వాక్కులు వింటుంటే ఇంకా వినాలనే ఉంది గాని

Page 317

బ్రహ్మశ్రీ యల్లంరాజు శ్రీనివాస రావు