కర్మసన్యాస యోగము
భగవద్గీత 
కర్మ - సమాధి - జ్ఞానయోగు లందరినీ మాటి మాటికీ ఇలా హెచ్చరించి చెప్పటం. ఇంతకూ జీవితంలో అనుకూల ప్రతికూలాలు రెండింటినీ ఉదాసీన భావంతో చూడాలని అలా చూడటమే సమదర్శన మని సమమంటే అది బ్రహ్మ స్వరూపమే గనుక బ్రహ్మానుభవం దాని వల్లనే మన మాసించగలమని వ్యాసమహర్షి హృదయం.
పోతే ఇక రెండవ అంశం బ్రహ్మమూ ఆత్మా అనేమాట. బ్రహ్మమని ఒకచోట ఆత్మ అని ఒకచోట మార్చి మార్చి ప్రయోగిస్తుంటాడు మహర్షి ఇప్పుడీ శ్లోకంలోనే చూడండి. అభితో బ్రహ్మ నిర్వాణం - వర్తతే విదితాత్మనామ్. బ్రహ్మమూ ఆత్మా అని రెండు మాటలూ వినపడుతున్నాయి. పైగా ఆత్మ జ్ఞానం గడించామంటే బ్రహ్మ నిర్వాణమే పొందగల మంటాడు. రెండూ ఒకటైతేనే అది చెల్లుతుంది. రెండూ ఒకటైతే రెండు మాట లెందుకు వాడవలసి వచ్చింది. దీనికి సమాధాన మేమంటే రెండింటికీ ఒకటే అర్ధం. పిల్లి మార్జాలమని రెండు శబ్దాలు ప్రయోగించినా అవి రెండూ చెప్పే అర్ధమొకటే గదా. అలాగే ఇక్కడా. బ్రహ్మమంటే అన్నిటి కన్నా పెద్దదని అర్ధం. అన్నిటికన్నా పెద్ద దన్నిటినీ తనలో ఇముడ్చు కొంటుంది. ఇముడ్చుకోటమే గాక అన్నీ తన స్వరూపంలో లయం చేసుకొంటుంది. అందుకే బృహత్వా దృృంహణత్వా ద్బర్షణ త్వా దహ్మ అని నిర్వచించారు బ్రహ్మ శబ్దాన్ని.
అయితే అలాటి పదార్ధమేమిటి అది ఎక్కడ ఉంటుందని అడిగితే నీవు - అది ఏదోగాదు ఆత్మేనన్నారు. ఆత్మేమిటి. నేను అనే స్ఫురణే ఆత్మ. నేననే స్ఫురణే దాని స్వరూపం Substance అది ఇప్పుడు నాలోనే
Page 439
బ్రహ్మశ్రీ యల్లంరాజు శ్రీనివాస రావు