కర్మసన్యాస యోగము
భగవద్గీత 
కూడా ఇంతే. బ్రహ్మమే ఇదంతానని చూచేవాడికి ప్రపంచమంతా బ్రహ్మమే. అలా చూడలేని వాడికా బ్రహ్మం కూడా ప్రపంచమే.
అలా బ్రహ్మాకారంగా చూడటానికే సమ్యగ్దర్శనమని పేరుపెట్టారు. భాష్యకారులు. సరియైన చూపుతో చూడమని అర్ధం. వారే విదితాత్ములు. ఆత్మ అంటే ఏమిటో నూటికి నూరు పాళ్లూ అనుభవానికి తెచ్చుకొన్న వాళ్లు. అలాంటి విదితాత్ములకు ముందు చెప్పిన బ్రహ్మ నిర్వాణమనేది దూరంగా ఎక్కడో లేదు. ఎక్కడికో వెళ్లి అందుకోవలసిందీ కాదు. ఎక్కడబడితే అక్కడే ఉందది. అభితో బ్రహ్మ నిర్వాణం వర్తతే అని హమీ ఇస్తున్నది గీత. అభితః అనే మాటకు రెండర్గా లున్నాయి. సర్వత్రానని ఒక అర్ధం. అభి ముఖంగా Face to face నని మరొకఅర్ధం. దేశకాల వస్తువులనే తేడా లేకుండా అంతటా దర్శనమిస్తూనే ఉంటుందది ఆకాశంలాగా. ఇది జడాకాశమైతే అది చిదాకాశం. ఆకాశాన్ని కూడా వ్యాపించిన చైతన్యం. పోతే అంతటా పరుచుకొని ఉన్న ఆ బ్రహ్మ చైతన్యమే ఎటు చూస్తే అటు ఎదురుపడి కనిపిస్తుంది కూడా. ఏ మాత్రమూ మరుగుపడకుండా ఆకాశంలాగా బయట పడి కనిపిస్తుంటుంది. చేయి వేస్తే తగులుతుంది.
అంతేకాదు. భగవత్పాదు లింకొక గొప్ప అర్ధం కూడా చెబుతారు. అభితః అనే పదానికి ఉభయతః అని అర్ధం చెప్పారాయన. ఉభయతః అంటే రెండు దశలలోనూ అని అర్ధం. ఏమిటవి. జీవతాం మృతానాంచ. జ్ఞాని జీవించి ఉన్నప్పుడూ అదే అనుభవం. మరణంచినతరువాతా అదే అనుభవం. మరణానికి ముందూ వెనకా అనే తేడా లేదు బ్రహ్మానుభవానికి.
Page 435
బ్రహ్మశ్రీ యల్లంరాజు శ్రీనివాస రావు