కర్మసన్యాస యోగము
భగవద్గీత 
వివేక బుద్ధ్యా అని అర్ధం వ్రాస్తున్నారు స్వామివారు. ఏది ఆత్మ స్వరూపమో దాన్ని అనాత్మ భూతమైన దేహేంద్రియాది సంఘాతం నుంచి వేరు చేసి పట్టుకోటమే వివేకం Discrimination. అలాంటి ఆత్మ జ్ఞాన బలంతో చూస్తే చేసే కర్మలన్నీ జ్ఞానంగానే దర్శన మిస్తాయి కాబట్టి కర్మలుగా వాటిని సన్న్యసించినట్టే వాడు.
మరి సన్న్యసించి ఎక్కడుంటాడు వాడు. నవద్వారేపురే ఎక్కడేమిటి నవద్వార పురమైన ఈ శరీరంలోనే. ఎలా ఉంటాడో తెలుసా. సుఖం వశీ. దేహేంద్రియ మనః ప్రాణాదుల నన్నింటినీ తన వశంలో ఉంచుకొని సుఖంగా ఉంటాడు. ఎవడు దేహీ. దేహ మున్నవాడు దేహి. దేహముంది వాడికి. దేహంలోనే ఉంటాడు. వాడు జ్ఞాని కదండీ. జ్ఞాని కూడా దేహం ధరించి దేహంలోనే ఉండేట్టయితే అజ్ఞానికీ వాడికీ తేడా ఏముంది. అజ్ఞాను లైన లోకులందరూ దేహధారులే దేహమున్నవారే. వారందరూ ఉన్నది వారి వారి దేహంలేనే. అటాంటప్పు డింత కష్టపడి జ్ఞానం సంపాదించి ఏమి ప్రయోజనం. పామరుడిలాగా పండితుడు కూడా దేహంలోనే ఉన్నాడని పించుకొంటే వాడు జ్ఞాని ఎలా అయ్యాడని ఆ శంక వస్తుందిక్కడ.
దీనికి భాష్యకారు లిచ్చే సమాధానం వినండి - ఎంత అద్భుతంగా ఉందో. సర్వోహి దేహీ సన్న్యాసీ అసన్న్యాసీవా దేహే ఏవ ఆస్తే అత్ర అనర్ధకం విశేషణమ్. మొదట ఆక్షేపణ ఏమిటో పేర్కొంటున్నా డాయన. ప్రతి ఒక్క మానవుడూ వాడు కర్మలు సన్న్యసించినా సన్న్యసించకున్నా మొత్తానికి దేహంలోనే కూచున్నాడు గాని ఇంకెక్కడా లేడుగదా. అలాంటప్పుడీ మాటేమిటి దేహ ఆస్తే అంటున్నారు. ఇలా ఆక్షేపించి దాని కాయనే సంజాయిషీ ఇస్తున్నారు. ఏమని. యస్తు అజ్ఞః దేహీ దేహేంద్రియసంఘాత
Page 403
బ్రహ్మశ్రీ యల్లంరాజు శ్రీనివాస రావు