జ్ఞాన యోగము
భగవద్గీత 
దానికిక చలనం లేదు. అచలోయం సనాతనః అని గీతోపదేశం. అలాంటి అచలమైన తత్త్వాన్ని చలించే మనసు ఎలా పట్టుకోగలదు. అదే పట్టుకోలేకపోతే శారీరకమైన ఈ యజ్ఞయాగాది కర్మలెలా అందుకోగలవు. ఇవీ చలనాత్మకమే గదా. అందుకే కర్మజాన్ అంటే అనాత్మ జాన్ అని అర్ధం వ్రాశారు భాష్యకారులు. కర్మ జ్ఞానానికి విజాతీయం. జ్ఞాన మాత్మ అయితే అది అనాత్మ. కాబట్టి జ్ఞానప్రాప్తి కది ద్వారం కాదు.
ఏవం జ్ఞాత్వా విమోక్ష్యసే. ఇది తెలిస్తేనే నీకు మోక్షమంటున్నది గీత. జ్ఞాత్వా అన్నదేగాని కృత్వా అనటం లేదు. ఒకపని చేసి గాదు మోక్షం. తెలిసి. ఏమని తెలిసి నమద్వ్యా పారా ఇమే ఇవి నా వ్యాపారాలు కావు. నాకూ వీటికీ సంబంధం లేదు. నిర్వ్యాపారోహ ముదాసీనః నిర్వ్యాపారంగా ఉదాసీనంగా ఉన్న శుద్ధ చైతన్యమే నా స్వరూపమని ఇత్యేవం జ్ఞాత్వా ఇలాగా తనస్వరూపాన్ని తాను గుర్తించటమే మోక్ష సాధనం. అంతేగాని స్వరూప జ్ఞానం లేకుండా అవీ ఇవీ తద్దినాలు నెత్తిన పెట్టుకొని మోక్షాన్ని కూడా వాటితోనే కొట్టేయ గలమని అపోహ పడటం కాదు. అస్మా త్సమ్యగ్దర్శనాత్ మోక్ష్యసే సంసార బంధనాత్తని సాగదీశారు భాష్యకారులు. ఆత్మస్వరూపమెలా ఉందో అలా గుర్తించటమే సమ్యగ్దర్శనం. దానివల్లనే సంసార బంధం నుంచి తప్పుకోగల వంటాడాయన. మరి యజ్ఞాది కర్మలో అది ఒక విధంగా ఉంటే ఇవి మరొక విధంగా దాన్ని భావిస్తాయి. కనుకనే వీటివల్ల మోక్షం లేదని చాటటం.
Page 347
బ్రహ్మశ్రీ యల్లంరాజు శ్రీనివాస రావు