జ్ఞాన యోగము
భగవద్గీత 
ఒక జ్ఞాని చేసే ప్రతి కర్మా అది ఒక పవిత్రమైన యజ్ఞంతో సమానం. భౌతికమైన యజ్ఞంలో అర్పణాదులైన యజ్ఞాంగా లెన్ని ఉన్నాయో అవన్నీ పరమార్ధ దర్శి అయిన జ్ఞానికి ఆధ్యాత్మికంగా బ్రహ్మ స్వరూపమే . మరేదీగాదు. అంచేత ఇదంతా బ్రహ్మమేనని గుర్తించే జ్ఞాని కది కర్మే గాదు. జ్ఞానంగానే అనుభవానికి వస్తుంది. కర్తృ క్రియా కారక ఫలాది భేద బుద్ధి ఉన్నప్పుడే అది కర్మ. అవన్నీ బ్రహ్మమేనని అభేద బుద్ధితో ఎప్పుడు చూచాడో అప్పుడా జ్ఞాని దృష్టి కదంతా బ్రహ్మమే గాని కర్మ కాదు. దృష్టిని బట్టిగదా సృష్టి.
ఇక్కడ కొందరు మరొక విధంగా వ్యాఖ్యానిస్తున్నారీ శ్లోకాన్ని. యద్ బ్రహ్మ తదర్పణా దీనిని బ్రహ్మైవ కిల అర్పణా దినా పంచ విధేన కారకాత్మనా వ్యవస్థితం సత్ తదేవ కర్మ కరోతి - తత్రన అర్పణాది బుద్ధి ర్నివర్త్యతే కింతు అర్పణా దిషు బ్రహ్మ బుద్ధి రాధీయతే - యధా ప్రతిమాదౌ విష్ణ్వాది బుద్ధిః అని భగవత్పాదులు వారి వాదాన్ని వర్ణిస్తున్నారు. ఏది బ్రహ్మమో అదే అర్పణాదులు. బ్రహ్మమే మంత్ర హవిరగ్ని యజమాన స్వర్గాది రూపంగా ఉంటూ అదే ఈ పనులన్నీ చేస్తున్నది. అక్కడ అర్పణాది బుద్ధిని తొలగించటం లేదు శాస్త్రం. మీదు మిక్కిలి వాటిలో బ్రహ్మ బుద్ధి నారోపిస్తున్నది. ఇది ఎలాటిదంటే విగ్రహాదులలో విష్ణ్వాది బుద్ధి నారోపించటం లాంటిది.
ఇది వినటానికెంతో రమణీయంగా ఉందిగాని ఇది సరియైన వ్యాఖ్య కాదు. ఎందుకంటే బ్రహ్మం అర్పణాదులని చెప్పినా అర్పణాదులు బ్రహ్మమని
Page 334
బ్రహ్మశ్రీ యల్లంరాజు శ్రీనివాస రావు