జ్ఞాన యోగము
భగవద్గీత 
నాణానికివి రెండు ముఖాలు. జ్ఞానం దాని స్వరూపం కర్మ దాని విలాసం. లేదా విస్తారం Expansion. సూర్యమండలం లాంటిది జ్ఞానం. దానిలోనుంచి బయటికి వచ్చి ప్రపంచమంతా వ్యాపించే వెలుగులాంటిది కర్మ. ఇప్పుడా మండలానికీ దాని వెలుగుకూ తేడా ఉందా. మండలమే దాని ప్రకాశం. ప్రకాశమే సూర్యమండలం. కాని మండలం స్థిరంగా ఒకేచోట ఉంది. దాని ప్రకాశం సర్వత్రా ప్రసరిస్తూ ఉంటుంది. అలాగే జ్ఞానం స్థాయిగా ఉంది. దాని ప్రకాశం లాంటి కర్మ సర్వత్ర విస్తరించి నీకు కనిపిస్తుంది. ఆలోచనగా మాటగా శరీరాది చేష్టగా ఇటూ అటూ ప్రసరిస్తున్నది. అదే ఈ ప్రసరించేది. ఈ ప్రసరిస్తున్నదదే. ఒకే ఆత్మ చైతన్యం ద్విపాత్రాభినయం చేస్తూ కనిపిస్తున్నదొక మహానటుడిలాగా. అదే చూస్తూ ఉన్నదదే చేస్తూ ఉన్నది.
ఇలాటి అఖండ భావన ఉన్న వాడెంత బుద్ధిమంతుడయి ఉండాలి. రెండింటిలో ఏ ఒకటి వదిలేసి మరొకటి పట్టుకొన్నా అది బుద్ధిమంతుడి లక్షణం కాదు. సర్వత్రా ఆత్మను చూడాలి. సర్వాన్నీ ఆత్మగా చూడాలి. అప్పుడే అది బుద్ధి కుశలత. అంతేకాదు. యోగకుశలత కూడా అదే. యోగమంటే సమాధి. ఏకాగ్రత. దీన్ని వేరుగా దాన్ని వేరుగా చూస్తే అది ఏకాగ్రత కాదు. వ్యగ్రత Distraction. రెంటినీ కలిపి పట్టుకొన్నప్పుడే ఏకాగ్రత. అదే సమాధి. సమంగా ఆధి అంటే ఉంచటమని అర్ధం. మనస్సును రెండింటి మీద సమానంగా ఉంచటం. రెండూ ఒకటేనని
Page 322
బ్రహ్మశ్రీ యల్లంరాజు శ్రీనివాస రావు