Index

కర్మ యోగము భగవద్గీత

  మరి కర్మికీ జ్ఞానికీ తేడా ఏమిటని ప్రశ్న వస్తుంది. దీనికి సంజాయిషీ ఇస్తున్నారు భగవత్పాదులు. అజ్ఞఇతి వాక్యశేషః - యతో వక్ష్యతి గుణై ర్యోన విచాల్యతే ఇతి - సాంఖ్యానాం పృథక్కరణాత్ అజ్ఞానా మేవ హి కర్మ యోగః న జ్ఞానినాం - సర్వః అంటే ఆత్మజ్ఞానం లేని ప్రతి ఒక్కడూనని అర్ధం. సాంఖ్యులను వేరు చేసి చూపారు కాబట్టి కర్మ జ్ఞానికి లేదు. జ్ఞానినాంతు గుణై రచాల్య మానానాం స్వత శ్చలనాభావాత్ కర్మయోగో నోప పద్యతే. కారణ మేమంటే సత్త్వరజ స్తమో గుణాలు జ్ఞానియైన వాణ్ణి ఏ మాత్రమూ కదిలించలేవు. వాడికా స్వతహాగా చలించే అవసరం లేదు. జ్ఞానమనేది అచలం గదా. కాబట్టి వాడి విషయం కాదిది - అని జ్ఞాని నీ కర్మక్షేత్రం నుంచి తప్పించా డాయన.

  కానికర్మ లేదంటే జ్ఞాని కసలే లేదని కాదు మన మర్ధం చేసుకో వలసింది. శాస్త్రీయమైన కర్మకాండ లేదని. నిత్యనైమిత్తికాలు లేవు జ్ఞానికి. కామ్యనిషిద్ధా లెలాగూ ఉండవు. కానీ సహజమైన కర్మలుంటాయి వాడికి కూడా. అన్నపానాలూ - మనోవ్యాపారాలూ మాటలూ - ఆఖరు కుచ్ఛ్వాస నిః శ్వాసాలూ వాడికీ ఉంటాయి. అవి మాత్రం జ్ఞానీ తప్పించుకో లేడు. అలాంటప్పుడు ప్రకృతి గుణాల ధాటికి వాడేమి జవాబు చెప్పినట్టు. ప్రకృతి గుణాలు వాణ్ణి చలింప జేయవని భాష్యకారులు వ్రాసిన మాట కర్ధమేమిటి అని అడగవచ్చు. గుణా లసలు పనిచేయవని గాదు. అవి వాణ్ణి పట్టి చూచినా వాడెప్పటి కప్పుడు తన ఆత్మజ్ఞాన బలంతో వాటిని

Page 214

బ్రహ్మశ్రీ యల్లంరాజు శ్రీనివాస రావు