సాంఖ్య యోగము
భగవద్గీత 
సిద్ధమైన లక్షణాలు. వాడు జిజ్ఞాసుడైతే వీడు జ్ఞాని. వాడు ముముక్షుడైతే వీడు ముక్తుడు. ఇదీ విషయం.
ఏషా బ్రాహ్మీ స్థితిః పార్థ నైనాం ప్రాప్య విముహ్యతి |
స్థిత్వాస్యామంతకాలేఽపి బ్రహ్మనిర్వాణమృచ్ఛతి || 72 ||
ఏషా బ్రాహ్మీస్థితిః - ఇప్పుడు వర్ణించిన దంతా బ్రహ్మమునకు సంబంధించిన స్థితి. అన్ని కర్మలూ వదిలేసి బ్రహ్మ స్వరూపంగా నిలిచిపోవటమే బ్రాహ్మీస్థితి అని పేర్కొంటారు గురువుగారు. ఆయనంటే పరమహంస కాబట్టి అలా ఉండగలిగారు. మరి గృహస్థులమైన మన బోటివారి సంగతేమిటి. మనం కర్మయోగులం గదా. కాబట్టి కర్మలను పూర్తిగా సన్న్యసించలేము. ఎప్పటికప్పుడు వాటిని బ్రహ్మాకారంగా దర్శించే అభ్యాసం చేస్తుండాలి మనం. ఇదీ బ్రాహ్మీ స్థితే.
నైనాం ప్రాప్య విముహ్యతి. ఇలాంటి పదవి నందుకో గలిగాడంటే జ్ఞాని ఇక వాడి కజ్ఞాన మనేది దరిదాపులకు రాదు. జ్ఞానమనేది వెలుగులాంటిది. వెలుగున్నంత వరకూ చీకటి సమీపించగలదా ధైర్యమున్నదా దానికి. అంచేత తస్యకోమోహః అని ఈ శావాస్యం చెప్పినట్టు వాడికి మోహమే లేదు. నిత్యజాగ్రత్స్వ భావుడయి ఉంటాడు వాడు. ప్రమాదోవై మృత్యుః అన్నాడు సనత్సుజాతుడు. ఆత్మ స్వరూపస్థితిని మరచిపోవటమే దాని విషయంలో పరాకు చెందటమే మృత్యువు.
Page 200
బ్రహ్మశ్రీ యల్లంరాజు శ్రీనివాస రావు