Index

సాంఖ్య యోగము భగవద్గీత

ఎప్పుడూ ఆత్మనే సర్వత్రా చూస్తూ ఏమరుపాటు లేనివాడికి మృత్యుభయ మేముంది.

  జీవిత మధ్యంలోనే కాదిలా. స్థిత్వాస్యామంత కాలేపి. రేపు అవసానంలో కూడా ఈ స్థితినే ఏమరకుండా ఇందులోనే ఉండిపో గలిగితే బ్రహ్మనిర్వాణ మృచ్ఛతి. వాడు నేరుగా బ్రహ్మ నిర్వాణాన్నే పొందగలడు. నిర్వాణమంటే దీపమారినట్టు ఆరిపోవటం. అలాగే ఆరిపోతాడిక ఏదీ మిగలదని చెబుతారు బౌద్ధులు. బౌద్ధుల నిర్వాణం కాదిది. వారి నిర్వాణం శూన్యంలోకైతే అద్వైతులది బ్రహ్మ చైతన్యంలోకి. అది శూన్యమైతే ఇది పూర్ణం. జ్ఞాని జీవన్ముక్తుడైతే విదేహ ముక్తుడవుతాడని కర్మయోగి జ్ఞాని దశనందు కొంటే జీవన్ముక్తుడవుతాడనీ - ఇందులో ఉన్న సూక్ష్మం.

  ఇక్కడ అంతకాలమనే మాట కంత్యేవయసి అని అర్ధం వ్రాశారు భాష్యకారులు. అది ఇంకా బాగుంది. మరణంలో బుద్దే పనిచేయదు. తెలివి తప్పుతుంది. అది తప్పే లోపలనే అహం బ్రహ్మాస్మి అనే బ్రాహ్మీస్థితిలో ఉండగలగాలి సాధకుడు. అప్పటి కప్పుడలాటి స్థితి ఖట్వాంగుడిలాగా అలవరుచుకొన్నా ధన్యులమే మనం. అలాంటప్పుడు కిము వక్తవ్యం

Page 201

బ్రహ్మశ్రీ యల్లంరాజు శ్రీనివాస రావు