సాంఖ్య యోగము
భగవద్గీత 
పోతే ఇక సిద్ధుడైన వాడి వ్యవహారమెలా ఉంటుందో అది కూడా ఈ మాటలే మనకు బయట పెడుతున్నాయి. విహాయ కామాన్ య స్సర్వాన్ - అన్ని కోరికలూ నిశ్శేషంగా వదిలేస్తాడు జ్ఞాని. పోతే వాడికి జీవనమెలా నడుస్తుందని అడిగితే చెబుతున్నారు భగవత్పాదులు. జీవనమాత్రచేష్టా శేషః పర్యటతి. జీవనానికి కావలసినవి మాత్రం పెట్టుకొని తిరుగుతుండా లెప్పుడూ. లేకుంటే ఆ స్థలం మీద వ్యక్తుల మీద అభిమానమేర్పడే ప్రమాదముంది. నిస్పృహః శరీర జీవనమాత్రేపి నిర్గతాస్పృహా యస్య. ఆ జీవితావసరాలను భవించేటప్పుడు కూడా వాటిమీద ఆసక్తి ఉండగూడదట.
అంతేగాదు. నిర్మమో నిరహంకారః శరీర జీవనయాత్రా క్షిప్త పరిగ్రహేపి మమేద మిత్యభినివేశ వర్జితః - ఇదుగో ఈ సామగ్రి నేను కష్టపడి సంపాదించుకొన్నాను. ఇది నాది అనే అభినివేశం పనికిరాదు. అలాగే నిరహంకారః - విద్యావత్త్వాది నిమిత్తాత్మ సంభావనా రహితః నేనింత బ్రహ్మ విజ్ఞాన సంపన్నుడను గదా నాకెవరు సాటి అనే విద్యావలేపం కూడా ఉండకూడదు. అలాంటి లక్షణాలున్నప్పుడే వాడు బ్రహ్మవేత్త. వాడే సర్వోప శమరూపమైన మోక్షసుఖాన్ని చూరగొనగలడు. మొదట చెప్పినవాడికీ గుణాలన్నీ ప్రయత్నపూర్వకంగా సాధించవలసినవైతే - రెండవవాడికి
Page 199
బ్రహ్మశ్రీ యల్లంరాజు శ్రీనివాస రావు