Index

సాంఖ్య యోగము భగవద్గీత

  ఇప్పుడొక అద్భుతమైన ధర్మసూక్ష్మం సెలవిస్తున్నారు భాష్యకారులు. విషయా లేవీ లోపలికి రానీయకుండా కూర్మం తన అవయవాలను లోనికి తీసుకొన్నట్టు తీసుకోవచ్చు జ్ఞాని కూడా. అలా వెనక్కు తీసుకొన్నప్పటికీ వాటి తాలూకు అభిలాష ఒకటి ఉంటుంది గదా. విషయాలు పోయినా విషయాల మీది చాపల్యమతని మనసులో వాసనారూపంగా చేరి లోలోపల వాణ్ణి పట్టి పీడించవచ్చు గదా. దానికేమిటి పరిహారమని ఆశంక. దానికిస్తున్నది సమాధాన మీ శ్లోకం.

  విషయా వినివర్తంతే - నిరాహరస్య దేహినః - విషయాలంటే ఇక్కడ ఇంద్రియాలని అర్ధం వ్రాశారాయన. నిరాహారస్య ఆహారమంటే అవి బాహ్యమైన శబ్దస్పర్శాదులు. వాటిని లోపలి కాహ్వానించకుండా వదిలేస్తే నిరాహారుడయి పోతాడు. ఎవడు దేహి. దేహ ధారి అయిన మానవుడు అలాటి వాడు జ్ఞానవంతుడే కానవసరం లేదు. ఒక హఠయోగి కూడా అలాగే ఇంద్రియాలను ప్రయత్నపూర్వకంగా అరికట్టి యోగ సమాధి నవలంబిస్తుంటాడు. మరివాడికీ ఈ జ్ఞానికీ ఏమిటి తేడా. బలవంతంగా ఇంద్రియాల నుప సంహరించటమే జ్ఞానమని చెప్పగలరా అని ప్రశ్న వస్తున్నదిక్కడ.

  దానికి గీత ఇస్తున్న సమాధన మేమంటే రసవర్జమ్. రసమంటే రాగం. అంటే అనుభవించాలనే అభిలాష. చాపల్యం. హఠయోగి

Page 173

బ్రహ్మశ్రీ యల్లంరాజు శ్రీనివాస రావు