సాంఖ్య యోగము
భగవద్గీత 
వద్దని నివారించటం లేదు మేము. అది కూడా ఆత్మ స్వరూపమే ననే దృష్టి విడవకుండా చేస్తూ పో. అలా ఆత్మ స్పృహతో కోరిన వనుభవిస్తూ పోతే ఎన్నో కోరవు జీవితంలో. జీవితావసరా లెంత వరకో అంతవరకే కోరుతావు. ఆత్మస్ఫూర్తి నిన్ను కంట్రోలు చేస్తుంటుంది. అసలే కోరిక లేకుండా బ్రతకమనీ చెప్పదది. కోరితే అన్నీ నాకే కావాలని అత్యాశ పెట్టుకోమనీ చెప్పదు. దానికి భంగం రాకుండా ఈ ప్రపంచంతో కనీసమైన సంబంధం పెట్టుకొని జీవించమని నీ నిత్య జీవితాన్ని ఒక అదుపులో ఉంచుతుంది. సముద్రస్నానం లాంటిది. అసలు సముద్రంలోకి దిగకుండా పోరాదు. పోతే అలాగే దిగుతూ పోరాదు. కాబట్టి ఆశ ఉండటం మంచిదే కాని అత్యాశా దురాశా పనికిరాదని చెప్పటమే ఇందులో ఉన్న ఆంతర్యం.
భగవత్పాదులు మాత్రమిక్కడ అనాత్మ విషయమైన కోరికలు పూర్తిగా వదిలేసి ఆత్మ స్ఫూర్తినే పట్టుకొని అందులోనే తృప్తి చెందాలని వ్రాస్తారు. త్యక్త పుత్ర విత్త లోకై షణః సన్యాసీ ఆత్మారామః ఆత్మ క్రీడః స్థిత ప్రజ్ఞః ఇదీ ఆయన వ్రాసిన అర్ధం. పుత్ర విత్తలోక విషయాల మీద కోరిక ఏమాత్రమూ ఉండకూడదంటారు. ఆయన గారంటే పరమహంస పరివ్రాజకుడై వెళ్లిపోయాడు కాబట్టి గృహస్థుల ఇబ్బందులాయన పట్టించుకోడు. అవీ ఇవీ పోగు చేసుకొనే కోరిక ఉన్నంతవరకూ ఆత్మదృష్టి నీకు నిలవదంటా రాయన.
నిజమే కాని ఇక్కడ రెండు ప్రశ్నలున్నాయి. ఆత్మ స్ఫూర్తి సన్న్యాసంలో నేనా గార్హస్థ్యంలో లేదా అని ఒక ప్రశ్న. అలాగైతే సన్న్యాసా శ్రమంలో
Page 165
బ్రహ్మశ్రీ యల్లంరాజు శ్రీనివాస రావు