అపిచ నాయ మపూర్వతయా మంతవ్యః కింతు పూర్వసిద్ద ఏ వాత్మా యావంతం కాలమ్ నమనుతే భవాం స్తావంతమ్ కాలమ్ శరీర మాత్ర నియంత్రితః- స ఏవ యదా శరీరాతి గత్వేన మతః తదా పునరాకాశ ఇవ సర్వవ్యాపీ సర్వాత్మకశ్చ సంవేద్యతే - ఇయమేవ ప్రత్యభిజ్ఞానామ సాధన ప్రక్రియా వేదాంతశాస్త్రే - ఇతః పూర్వమ్ దేవదత్తో నామ కశ్చి దాసీన్మమ మిత్రమ్ స అంతరాళే మయా న సంగతో నాప్యాకర్ణితః క్వాస్తీతి అకస్మా దేకదా క్వాపి దేవాలయే దైవవశా న్మమ దృష్టి పథ మాయాతః-తదానీ మభిజ్ఞాత పూర్వోపి చిరకాల వ్యవధానా ద్విస్మృత స్సః ముహూర్త మాత్రమ్ తధా భూతోపి పశ్చా న్నన్వయమ్ దేవదత్తో మమమిత్ర మితి పున రభి జ్ఞాయతే-ఆదా వభిజ్ఞానమ్-పశ్చా ద్విస్మరణమ్ - తదను ప్రత్యభి జ్ఞానమితి-ఏవమేవ పూర్వ మహమితి స్మృతిః మధ్యేవిస్మృతి ర్జాతా అజ్ఞాన వశాత్-పునరిదానీ మభ్యాసవశా త్సఏవాత్మా అహమితి జ్ఞాన ముపజాయతే
యదైవమ్ ప్రత్యభిజ్ఞా స్యాత్సైవాలమ్ సాధనాయ నకర్మ - నోపాసనా -న యోగో-న మంత్ర తంత్రాదిక మాశ్రయణీయమ్-వినైవ తత్సర్వమ్ క్రియా కలాపం ఆత్మానుభవః అవశ్యమ్ భావీ-అనుభవేచ స త్యాత్మనః నశోచతి -సంసారికః క్లేశః శోకః-స సూర్యోదయే సత్యంధకారఇవ పలాయతే -నలేశతో ప్యవతిష్ఠతే-కింత్వేతా దృశమ్ భాగధేయమ్ ధీ రస్యైవ-న యస్సక స్య చి దితి బ్రూతే ఉపనిషత్-ధీ రస్యాస్తీతి ధీరః-ధీ రిత్యాత్మ విషయా బుద్ధిః- ఆత్మాకార వృత్తి రితి యావత్ తయైవ శక్యతే ఉపలబ్ధు మాత్మా - నాన్యథా - అత స్తాదృగ్ బుద్ధి రభ్యసనీయా ముముక్షుభి ర్మానవై స్సంసార మార్గతరణాయేతి ఉపనిష త్సందేశః-
ఓమ్ శాంతి శ్శాంతి శ్శాంతిః
Page 160
