Index

ఉపనిష త్సందేశః

  అ శరీరమ్ శరీరేషు - అనవస్థే ష్వవస్థితమ్ మహాంతం విభు మాత్మానమ్ - మత్వా ధీరో న శోచతి - ఏష కఠోపనిష ద్గతః శ్లోకః- కోస్యార్ధః - అశరీరమితి ఆత్మనస్తత్త్వమ్ - కేవల చైతన్య రూపమేవతత్ చైతన్యస్య నిరాకారత్వాత్ తత్సర్వత్ర జాగర్తి - దేశకాల వస్త్వాదికమ్ జగ దిదమ్ తస్య కదా పి న నిరోధకమ్ భవతి నహి సాకారం వస్తు నిరాకార మాత్మసాత్కర్తు ముత్సహతే కదా పి. నాపి నిరాకార ఆత్మా సాకారే శరీరే సమ్మీయతే - అతఏవ శరీర మస్మదీయమ్ త మాత్మానమ్ నాల మభ్యంతరీ కర్తుమ్ - శరీరస్య సాకారత్వాత్ - నిరాకారత్వాచ్చ ఆత్మనః- తర్హి కథ ముచ్యతే అశరీరమ్ శరీరేష్వితి - అశరీర స్స ఆత్మా సర్వగతో వస్తుతః సర్వగతో యత స్తతఏవ శరీరేపి సంక్రమితుమ్ ప్రభవ తీతి న కశ్చి ద్విరోధః - యథా శరీరా దృహి రేవం శరీర స్యాంతరపి వర్తతే ఆకాశవత్- ఆకాశోపి నిరాకారఏవ నిరాకారత్వా దయమ్ సర్వత్ర వర్తమానోపి తత్ర తత్ర ఘటమఠాదిషు గృహారామా దిష్వపి అప్రతిహత స్పంచరన్ని వ దృశ్యతే అనేన దృష్టాంతేన చిదాకాశో ప్యేష ఆత్మా తధైవ అంతర్బహిరపి పదార్ధానా మవిశేషేణ భవతీ త్యవగంతవ్యమ్ - అంత శ్శరీరే - బహి శ్శరీరా దన్యత్ర.

  ఏవం శరీరే విద్యమానో హ్యాయమాత్మా న శరీర వ దానవస్థితః-అనవస్థా నామ ప్రతిక్షణ పరిణామశీలతా - సా యస్య తదనవ స్థితమ్ శరీర మిదం మనః ప్రాణేంద్రియాత్మకమ్ తధైవ లక్ష్యతే - ప్రతిక్షణ మన్యధా అన్యధా పరివర్తత ఏవ ఏకరూపేణ న జాతుచి దవతిష్ఠతే లోచనాత్మకమ్ మనః - ఉచ్ఛ్వాస నిశ్శ్వాసాత్మకః ప్రాణః-కరచరణాద్యవయవాః సర్వేపి పరిణమ మానా ఏవ అనుభవ సిద్ధ ఏవాయమ్ వ్యవహారో స్మాకమ్ - ఏవ మనవ స్థితే ష్వపి శరీరేషు తత్రైవ వర్తమానోయ మాత్మా నైవ పరిణమతే - ప్రత్యుత స్వరూపేణైవ అవతిష్ఠతే

Page 159