- సాకారత్వా చ్చలకు నామ శరీరమ్ - న తావతా తద్గతో ప్యాత్మా చలతీతి భేతవ్యమ్ - నిరాకారత్వా త్తస్య కథంచిదపి చలనమ్ నామ న సంభవతి చలనే అసతి పరిణామో దూరతఏవ - తదధీనత్వాత్తస్య
భవతునామ - సర్వగత స్స ఆత్మా శరీరేష్వస్తీతి వచనేన కి మభిప్రేతం శాస్త్రేణ - అస్తి చే దస్తు నామ - కిం తావతా - ఇతిచే దుచ్యతే - వయమ్ శరీర భృతో మనుష్యా అస్మిE సంసార సాగరే అలాబువ త్పరిప్లవమానాః పారం గంతు మక్షమతయా తాపత్రయేణ పరిభూయా మహే-సోయం సంతాపః శరీర మేవా హమితి తాదాత్మ్యభావేన ఉపస్థితః-అనర్ధ కరత్వా దేష సర్వధా పరిహర్తవ్యోస్మాభిః బుద్ధి జీవైః-సచ శరీరేణ యధా ఏవ మశరీరేణ ఆత్మనా యది తాదాత్మ్య ముపగచ్ఛేమ తదా అయత్నేనైవ సంపద్యతే- అ శరీరశ్చన ఆత్మా నకుత్రా ప్యస్యత్ర గత్వా గ్రహీ తవ్యః-శరీరా దన్య త్రైవ న కేవలమ్-కింతు శరీర స్యాభ్యంతరేపి వర్తతే-దృష్టి రేవ కేవలమ్ కర్తవ్యా తత్ర విషయే-ఇమ మర్దమ్ మనసి నిధాయ అశరీరమ్ శరీరేష్వితి విశేషతో నిర్దిశ్యతే శాస్త్రేణ-
తర్హి కేన ప్రకారేణ గ్రహీతవ్యస్స ఆత్మా ఇత్యపే క్షాయా మభిధీయతే-మహాంతం విభుమాత్మానం మత్వేతి - శరీరే దర్శన శ్రవణ మననా దికం వ్యాపారం కుర్వాణం యదహ మహ మితి విజ్ఞాన ముపలభ్యతే సంప్రతి న తచ్ఛరీర మాత్ర పరిచ్ఛిన్నమ్ - తావన్మాత్రమ్ చేత్కధం నామ తద్భాహ్య మాకాశాదికమ్ విషయీ కరోతి తస్మాద్యావ చ్ఛరీరే తావ దృహిరపి శరీరా దాకాశప దేవ సర్వత్ర ప్రసృతమితి నసంశయః- ఏవం వస్తుత : సార్వత్రిక మపి త దస్మద్బుద్దే స్తథా న స్ఫురతి - నాసౌ వస్తుగతః కింతు బుద్ధిగతో దోషః- అతః పరిచ్ఛిన్న మివ ప్రతీయ మానం తవాత్మానం మహాంతమ్ భావయితు మర్హసి పునః పున రేవం భావ్యమాన స్సవిభు స్సర్వ వ్యాపీ భవతి - తత్తన్నామ రూపాదిభి ర్విశేషైరపి భవతీ త్యర్ధః-స్వరూపేణ ఆకాశవ ద్భూత్వా విశేషత స్సర్వ పదార్ధాకారై రపిస ఏవ భాతీతి వేదితవ్యమ్
Page 158
