పూర్వార్ధము - అవరోహణ క్రమము
ప్రకాశిస్తున్నాడట. వాయ్వాది దేవతలకే దిక్కులేనప్పుడిక మానవమాత్రుల మాట చెప్పేదేముంది. అంచేత మనమే కర్తలన్నింటికి అనే అభిమానాన్ని దూరంగా పరిత్యజించి ఆ మహా శక్తి శాసనాన్ని అనుసరించి పోవటం ఎంతైనా శ్రేయస్కరం.
24. పంచకృత్య పరాయణా
పోతే ఆ పరా భట్టారిక శాసనమెలాంటిది- ఎలా శాసిస్తున్నదీ ప్రపంచాన్ని- అనే విషయాన్ని వర్ణిస్తున్నదీ నామం. ఆవిడ పంచకృత్య పరాయణ. పంచకృత్యాలంటే ఐదు పనులు. ఆ ఐదు పనులూ చేయటమే పరాయణం. ఆవిడ లక్ష్యం. ఈ లక్ష్యాన్ని సాధించటానికే పరా రూపిణి అయిన ఆ శక్తి వైఖరి వరకూ ప్రయాణం చేసి వచ్చింది. సృష్టి స్థితి సంహారం - తిరోధానం అనుగ్రహం- అనేవే ఆ పంచకృత్యాలు.
వీటిలో సృష్టి స్థితి లయాలనేవి మూడూ ఆ దేవి జగదాత్మ కత్వాన్ని తెలుపుతున్నాయి. ప్రపంచ రూపంగా పరిణమించింది. ఆవిడే గదా. పోతే తిరోధాన అనుగ్రహాలనేవి రెండూ ఆవిడ జగన్నియామకత్త్వాన్ని చాటుతున్నాయి. తన చైతన్య శక్తిని సంకోచింప జేసుకొని ఆవిడ ఈ జీవకోటిని సృష్టించింది. సంకోచ కారణంగా వీరి జ్ఞానైశ్వర్యాలను తిరోహితం చేసింది. ఇదే తిరోధానమంటే మరలా క్రమంగా వికసింప జేస్తూ ఈ జీవ కోటిని ఆవిడే అనుగ్రహిస్తుంది. అప్పుడు తిరోహితమయిన జ్ఞానైశ్వర్యాలు పరిపూర్ణత చెంది జీవుడు తరించ గలడు. తిరోధాన అనుగ్రహాలు ఆవిడ నిరంకుశంగా చేయటం లేదు. జీవులు చేసుకొన్న సుకృత దుష్కృతాల కనుగుణంగా ఆవిడ సాగించే
Page 43
బ్రహ్మశ్రీ యల్లంరాజు శ్రీనివాస రావు