కథం పృథక్కుర్యాత్ – సిద్ధమేవత న్నసాధ్యం - తధాపి అనవధానవశాత్త దస్మాకం పున స్సాధయితవ్య మాస్తే- సాధనం చైత న్నక్రియా - పరినిష్ప న్నత్వా దాత్మనః - కింతు భావనైవ కేవలా - నిదిధ్యాసనైవసా భావనా యధాపురః స్థితం ఘట పటాది వస్తుజాతం పశ్యామ స్తధా మదీయాం సత్తాం పశ్యేయం - ఘటం పశ్యన్నహం ఘటాదన్యో భూత్వైవ తం పశ్యామి న ఘట ఏవసన్ ఘటం పశ్యామి - తన్న కదాపి సంభవతి- యది ఘట ఏవాహ మస్మి కథ మహం ఘటం పశ్యేయం - తస్మాదన్య ఏవాహం ఘటాత్ ఘటం పశ్యామి - ఏవ మిదం శరీర మపి ఘటవత్పశ్యామి అయం మేపాదః అయం హస్తః ఇదముదరం ఇదం మే శిరః ఇమాని చక్షురా దీనీంద్రియాణి - కింబహునా - అయం ప్రాణః స్పందతే ఇయం మే బుద్ధి రాలోచయ తీతి కృత్స్న మేత త్సంఘాతం యది నిర్దేశామి క్వాహం భూత్వా నిర్దిశామి - శరీర మేవ భూత్వా తథా నిర్దేష్టు మసంభవః - మమ జ్ఞాన స్య ఘటపటాది వద్విషయతయైవ పశ్య న్నిర్దిశామి
ఏవం ప్రతిదిన మవధానేన శరీర మిదం నిరీక్షమాణస్య మమ జ్ఞానం వృంతా దివ శరీరాత్ శ్రధీభూయ బహిర్భవే దవశ్యం - న తత్రై వావతిష్ఠతే సాకారే శరీరే నిరాకారస్య తస్య అసమ్మితత్వాత్ - యదా శరీరాత్పృధ గ్భూతోహం తదా శరీర మిదంనమే అధిష్ఠానం భవితు మర్హతి యధాపూర్వం -శరీరా ద్విగళితో హం న శరీరే స్థాతుం శక్నోమి - తర్హి క్వాహం భవేయం కీదృగ్భవిష్యతి మమ శరీరం - యత్రక్వాపి తిష్టేయ మహం నకుత్రాపీతి వక్తుం యుజ్యతే - తర్హి క స్తదా మమాశ్రయః - శరీర మభితోయః ప్రసృతః ఆకాశః సఏవ భవితు మర్హతిమే శరీరం తధాస్తి 'ఆకాశాత్మా భారూపః '' ' ఇత్యాహ ఛాందోగ్యర్థిః - ఆత్మా చాత్ర శరీరం - ఆకాశ ఏవ శరీరమితి ఆకాశాత్మా - తదాశ్రిత్య అహమితి మమ చైతన్య మాకాశ వదేవ సర్వత్ర ప్ర సృమరం నిభాలయేయం - కేవలం శరీర మేవ చేత్సర్వ వ్యాపక మపి
Page 76
బ్రహ్మశ్రీ యల్లంరాజు శ్రీనివాస రావు