ఉత్తరార్ధం
అనేన ద్వితీయోప్యంశః అస్మాభి రభివర్ణితః - ఏత దంశద్వయం మనసి నిధాయ సంప్రతి భగవత్పాదానాం భాష్య మధ్యేతవ్య మస్మాభిః అన్యధా భాష్యహృదయం గ్రహీతుం దుష్కర మత్యంత గంభీరత్వాత్ గీతా యాం 'నా సతో విద్యతే భావోనాభావో విద్యతే సతః' ఇత్యస్య శ్లోకస్య వ్యాఖ్యానావసరే అనుగృహీతో భగవతా భాష్యకారేణ అయ మర్థః ఆచార్యేణ యస్సూత్ర ప్రాయేణాభిహి తోర్ధ స్స మయా విశదీకర్తుం ప్రయత్యతే జిజ్ఞాసు జనోపకారాయ - శ్రూయతా మవహితైః
బుద్ధి జీవినో వయం మనుష్యాః - బుద్ధి ర్మనఇత్య విశేషః - ఏత న్మనోన అస్మాకమేవ మనుష్యాణాం- పశుపక్ష్యాదీనాం క్రిమి కీటకాదీనాం సర్వేషా మపి ప్రాణినా మస్త్యేవ - నచేన్మనః కామపి క్రియాం కర్తుంవా తత్ఫలం సుఖదుఃఖాదిక మనుభవితుంవా నశక్నోతి ప్రాణీ - తేపి ప్రాణినః యధాస్వం కర్మ కుర్వంతి సుఖాదికం ఫల మనుభవంత్యేవ కింతు అన్నపాన నిద్రా మైధునాది పరిమితైవ తేషాం సా బుద్ధి ర్నతతోధికం ప్రవర్తతే -అతఏవ వాసనాత్మికా సా బుద్ధి రుచ్యతే తేషాం - అస్మాకం తు న కేవలం వాసనారూపా కింతు వివేచనాత్మికాపి వర్తతే - అయమేవాతి శయోస్మాకం న కేవల బుద్ధి సద్భావే తేషా మస్మాకంచ వ్యత్యాసః - ఏవం సతి యావతీ తావతీవా భవత్వేషా బుద్ధిః - బుద్ధి రేవ సర్వత్ర నః ప్రమాణ మిత్యుక్త మాచార్యైః - తధాహి - బుద్ధిర్హినః ప్రమాణం సద సతో ర్యాధాత్మ్యాధిగమే
Page 42
బ్రహ్మశ్రీ యల్లంరాజు శ్రీనివాస రావు