ఏవం సంప్రసన్నః దేహేంద్రియాది సర్వం ప్రవిలాప్య సర్వత్ర ప్రత్యక్షీ భవతి తదా అయం పురుషః అస్మాత్ శరీరాత్ సముత్థాయ పరం జ్యోతి రుప సంపద్య స్వేన రూపేణ అభినిష్పద్యతే ఇతి శ్రూయతే - స్వేన రూపేణ యదైవాభి నిష్పద్యతే తదా ముక్త ఇత్యుచ్యతే పుమాన్ - కింత్వత్ర సంశయః స్వరూప మాత్రేణ చే దభినిష్పత్తిః పూర్వాస్వపి అవస్థాసు స్వరూపాన పాయాత్ విభావ్యేత - తస్మాత్ విశేషేణ కేన చి ద్భవితవ్యం ముక్తావస్థాయాం-
మైవం – స్వేన రూపేణ ఇతి స్వశబ్దాత్ కేవలేనాత్మనా ఆవిర్భవతి న ధర్మాంతరేణ - కః పున ర్విశేషః పూర్వాస్వవస్థాను ఇహచ స్వరూపానపాయ సామ్యేసతి - అత ఆహ - యోత్ర అభినిష్పద్యత ఇత్యుక్తః స సర్వబంధ వినిర్ముక్తః శుద్ధే నైవాత్మనా అవతిష్ఠతే - పూర్వత్రకు అవస్థాత్రయ కలుషితే నాత్మనా ఇత్యయం విశేషః - అపిచ జ్యోతిరితి ఆత్మైవాత్ర జ్యోతి శ్శబ్దేన ఆవేద్యతే ప్రకరణాత్ – ప్రకృతే పరస్మిన్నాత్మని న అకస్మాత్ భౌతికం జ్యోతిః శక్యం గ్రహీతుం - ప్రకృత హానాప్రకృత ప్రక్రియా ప్రసంగాత్
ఫలత్వ ప్రసిద్ధి రపి మోక్షస్య బంధ నివృత్తి మాత్రాపేక్షా - న అపూర్వ జననాపేక్షా - యదభి నిష్పద్యత ఇతి ఉత్పత్తి పర్యాయత్వం తదపి పూర్వావస్థా పేక్షం యధారోగ నివృత్తి అరోగః అభినిషృద్యత ఇతి తద్వత్ - చైతన్య మేవ అస్య ఆత్మనః స్వరూప మితి తన్మాత్రేణ అభినిష్పత్తి ర్యుక్తా - ముక్తి రసీయం ద్విప్రకారా - జీవస్ముక్తిః విదేహ ముక్తి రితి తస్య తావదేవ
Page 51
బ్రహ్మశ్రీ యల్లంరాజు శ్రీనివాస రావు