యేషా మపి నిరాకారం జ్ఞాన మప్రత్యక్షం తేషా మపి జ్ఞానవశేనైవ జ్ఞేయా వగతి రితి జ్ఞాన మత్యంత ప్రసిద్ధం సుఖాది వదేవ ఇత్యవగంతవ్యమ్ అప్రసిద్ధం చేత్ జ్ఞానం జ్ఞేయ వత్ జిజ్ఞాస్యేత - యధా జ్ఞేయం ఘటాది లక్షణం జ్ఞానేన జ్ఞాతా వ్యాప్తుమిచ్ఛతి - తధా జ్ఞాన మపి జ్ఞానాంతరేణ జ్ఞాతవ్య మాప్తు మిచ్ఛేత్ - నచైత దస్తి - అత్యంత ప్రసిద్ధం జ్ఞానం జ్ఞాతాపి అత ఏవ ప్రసిద్ధ ఇతి - తస్మా దాత్మ జ్ఞానే యత్నో న కర్తవ్యః - కింతు అనాత్మని ఆత్మ బుద్ధి నివృత్తా వేవ -
అనాత్మేతి దేహేంద్రియాది రేవ ఆత్మ ని అధ్యా రోపితః అవిద్యయా అయమేవ మిథ్యాత్మేతి గీయతే యదైవం శరీర మాత్ర నియంత్రిత ఆత్మా తదా తతో బహిః భూత భౌతికా దయ స్సర్వే పదార్థాః చేతనా చేతన లక్షణాః గౌణాత్మా సంవృత్తః - ద్వయోరపి మిధ్యాత్మైవ మూల మనర్థస్య యది దేహేంద్రియాది సంఘాత ఏవాహ మితి తేన తాదాత్మ్యం నస్యాత్ తదానః ఆత్మా స్వేచ్ఛయా అప్రతి బంధేన అంతర్యధా తధా బహిరపి దేహా దస్మాత్ వ్యాప్తం శక్నుయాత్ తదానీం బహి ర్యోస్తి గౌణాత్మా సోపి మమాత్మనైన ఆక్రాంతత్వాత్ స స్వయమేవ ప్రవిలీయతే అత ఏవ మిధ్యాత్మైవ ఆదౌ నాశ ముపగమితవ్యః - తత్కథ మితి చేన్న అధ్యారోపిత జ్ఞానం తన్నివారకం - తస్య అద్యైవ విద్యమానత్వాత్ - నాపి తద్విశిష్టం జీవాత్మ జ్ఞానం - అధ్యారోపా నపాయాత్
Page 47
బ్రహ్మశ్రీ యల్లంరాజు శ్రీనివాస రావు