రేవతీ స్తవః
యైషా కనిష్ఠా ప్యకనిష్ఠ భావా
చకాస్తి తారాధిపతే రజస్రమ్
దూరీకృతాశేష విపత్తమిస్రా
సా రేవతీ మాం జననీ పునాతు
భుక్త్వాపి దక్షతనయా దివస క్రమేణ
నీహార రశ్మి రనవాప్త మనోభిలాషః
విశ్రాంతి మేతి రతి కేళి సుఖస్య యస్యాం
సా రేవతీ మమహి మంగళ మాతనోతు
స్ఫురితై ర్మహసా మనుక్షణం
క్షణదాయాం కరదీపి కోపమైః
నయనే తమసా కదర్దితే
జనని త్వం వివృణోషి రేవతి
వియత్కాసారోత్థం కుసుమమివ తే వీక్ష్య లలితం
వపుః ప్రక్షీణోమే భవతి దురితానాం సముదయః
శ్రయంతే సాముద్రం కుహర మివ తోయౌఘ నివహాః
శుభానాం సంతానాః సతత మభితో రేవతి మమ
త్వామాశ్రిత్య విశేష కాంతి సుభగాం కల్పద్రు వల్లీమివ
ప్రాంశోః ప్రాంశుతరా ముపైతి పదవీం యద్యేష దోషాకరః
తత్ కస్తే పద పద్మ సంశ్రయ వశా న్నోచ్చై ర్భవే ద్రేవతి
క్షుద్రోపి చ్చలితోపి బాలిశ గుణో ప్యస్మాదృశో మానుషః
నవస్తవ మనోహర ద్యుతి కదంబ సంవేష్టిత
ప్రసన్నతర మూర్తయే జనని రేవతి స్ఫూర్తయే
యదీయ రయ దర్శనాత్ కృత కృతాంత పాశభ్రమా
పలాయన పరాయణా భవతి పాపపైశాచికీ
Page 8
బ్రహ్మశ్రీ యల్లంరాజు శ్రీనివాస రావు