ముపనేష్యతి. తావంతం కాలం తిరోధాయినీ యాశక్తిః సైవ తదానీ మనుగ్రాహిణీ సంపద్యతే సాధకానాం. అత ఏవ విద్యా విద్యా స్వరూపిణీతి జోఘుష్యతే సా దేవీ. అవిద్యయా నః శివాత్మకం రూపం తిరోధాయ అశివాత్మకం సంసార ముపస్థాపయతి. విద్యయా పునః శివసాయుజ్య మనుగృహ్య అశివ రూప మిమం సంసార మవ ధూనయతి. అనయోః అవరోహణా రోహణ భూమికయో రేవ సమస్త మపి దేవీ తత్త్వం పరిసమాప్యతే. తదానీం సా దేవీ త్రిగుణాతీతా సతీ లలితేతి నిగద్యతే యా సాక్షాదస్య సాధకస్య స్వరూపమేవేతి అపరోక్షతయా అనుభవ పదవీం ఆరోహతి.
సహస్ర నామ రహస్యం
దేవీ సహస్ర నామావళ్యాః రహస్య నామ సాహస్రమితి ప్రసిద్ధిః దేవీ భాగవతే. తదిదం భగవతా హయగ్రీవేణ మహర్షయే అగస్త్యాయోప దిష్టమిత్యాభాణకః. హయగ్రీవ ఆచార్యః. అగస్త్యశ్చ శిష్యః. కోస్యార్థః. హయ ఇతి జ్ఞాన వాచకః శబ్దః. తధాచ హయగ్రీవ ఇతి బ్రహ్మవిద్యా పారంగతః తద్విద్యోప దేశేన లోక సంగ్రహ పరాయణః కశ్చి దాచార్యః ప్రతీయతే. ఏవ మగస్త్య ఇతి అగవ దచంచల స్వభావః ఏకాగ్ర మనా సదుప దేశ గ్రాహకః శిష్యోపి సముపలక్ష్యతే.
ఏవం గురు శిష్యయో ర్విద్యా బోధనే తత్సాధనేచ యల్లక్షణ ద్వయ మపేక్ష్యతే తదేత న్నామ కరణ వ్యాజేనైవ ధ్వన్యతే. వస్తు తస్తు గురుస్సా పరదేవతైవ. సర్వస్యాపి ప్రాణి జాతస్య సైవ గురు స్థానం. అత ఏవ గురుమూర్తిః గురుమండల రూపిణీతి సంకీర్త్యతే. సైవేదం నామ్నాం సహస్రం ఆదౌ హయగ్రీవాయోప దిదేశేతి శ్రూయతే బ్రహ్మాండ పురాణే. తస్మాత్ గురో స్సకాశా దిమాం పరవిద్యా మధిగతవాన్ హయగ్రీవోపి నాన్యో భవితు మర్హతి. వస్తు తస్తు స గజగ్రీవో గణేశ్వర ఏవ.
కోయం గణేశ్వరః కథముత్పన్నః. కామేశ్వర ముఖాలోక కల్పిత శ్రీ గణేశ్వరేతి నామ. శివచైతన్య బలేన శక్త్యా యః కల్పితో జీవః స ఏవ గణేశ్వరః. శివ శక్తి సంయోగోత్పన్న ఇతి యావత్. చిజ్జడయోః గ్రంథిర్జీవ ఇతి ప్రసిద్ధిః. జీవకృత
Page 14
బ్రహ్మశ్రీ యల్లంరాజు శ్రీనివాస రావు