Index

చిత్రతరంగిణి

కథం శక్తిరేవ సాధన మిత్యవ ధార్యతే. తత ఏవ ప్రసృతత్వాత్. యో యస్మాత్ ప్రసరతి భావః సఏవ తస్య వస్తునః ప్రాపకః. తథాహి సౌర మండలా దాగతం తేజః భూమండలే సర్వత్ర ప్రసృమరం దృశ్యతే. తదేతత్ కుత ఇత్యను గమ్య మానం పునః సౌర మండల మేవ నో దృష్టిం ప్రాపయతి. కార్యంహి స్వకీయం కారణమేవ సర్వదా జ్ఞాపయతీతి దృష్టం సర్వత్ర యథా ఘటో మృత్తికాం పటస్తంతూన్ వృక్షో బీజమితి. కిం బహునా, సర్వమపి కార్య కారణజాత మస్యోదా హరణమేవ సూత్రస్య. యది నామ యత్ర క్వచిత్ సంశయః స కేవలం ప్రత్యభిజ్ఞా దౌర్బల్య కృతః.

  అతః శక్తేరపి కార్యా కారేణ పరిణతత్త్వా దేనాం కార్య రూపాం శక్తి మాలంబ్య యది ప్రయాతి సాధకః తదవశ్యం శివ సాయుజ్యం ప్రాప్నోతీతి న సందేహః. శివ దూతీతి నామ ప్రసిద్ధం దేవ్యాః. దూతికేవ శివ సకాశా దాగతా శక్తిః. కథమివ. ఆదౌ పరా రూపేణ వర్తమానా సా శివేనా భిన్నైవ భవతి. తదా న సృష్టిఃన స్పందనం. న తస్యాః తతో నిర్గమః. యదా స శివః అకామయత బహుస్యాం ప్రజాయేయ ఇతి సమ కల్పయత్ తదా సా శక్తిః ఇచ్చా రూపిణీ భూత్వా ప్రసరతి యా పశ్యన్తీతి వ్యపదిశ్యతే. సైవ పునః క్రియా రూపేణ యదా విశ్వోత్పాదనాయ ప్రయతతే. తదా కించి దుచ్చూనా సా మధ్యమేతి భణ్యతే. ఇయం మధ్యమా సూక్ష్మ రూపతాం విహాయ ఆకాశాది స్థూల రూపేణ ఆవిర్భవంతీ వైఖరీతి నామ అశ్నుతే. ఏషైవ తురీయా దశా శక్తే రిదానీం నః సర్వేషాం దృష్టిపథ ముపయాతి. న కేవలం బ్రహ్మాండ రూపేణ బహి రవతిష్ఠతే కింతు శరీరేంద్రియ మనః ప్రాణాది పిండరూపేణ బహి రవతిష్టతే కింతు శరీరేంద్రియ మనః ప్రాణాది పిండరూపేణ అంతరపి. ఏవం స్థితే అత్ర పరామేకా మహాహాయ అన్యాః సర్వా అపి దశాః శక్తేః కార్య రూపా ఏవ. తత్రాపివైఖరీ రూపా యా చతుర్థీసా ఇతరాపేక్షయా స్ఫుటతరం నః ప్రతిభాతి. సర్వేంద్రియ గోచరాహి సా. దృష్టా దదృష్ట మధిగంతవ్య మితి మహతా ముక్తిః. తస్మాత్ ప్రత్యక్ష ముపలభ్యమానామేనా మాలంబనీ కృత్య పరమార్థాన్వేషణాయ ప్రయతితవ్య మస్మాభిః. యేన తద్వారా గంతవ్య మవశ్య మాసాద యిష్యామః.

  అస్వార్థస్యాపి ద్యోతక మస్తి నామాంతరం దేవ్యాః శివ జ్ఞాన ప్రదాయినీతి. శివస్య సంబంధి యత్ జ్ఞానం తత్ శివ జ్ఞానం. తదస్మభ్యం ప్రయచ్ఛతీతి శివ జ్ఞాన ప్రదాయినీ. అధునా ద్వే అప్యేతే నామనీ మేళయిత్వా విమృశ్యమానే ఏవం పర్య

Page 12

బ్రహ్మశ్రీ యల్లంరాజు శ్రీనివాస రావు