ఆధి వ్యాధి క్షామ మృత్యుగ్ర కీలా
వ్యాలీ ఢానాం జీర్ణ గేహోపమానాం
అస్మాకం తే రేవతి ద్యోతమానా
దేహచ్ఛాయా శీతలాసార వృష్టిః
ముంచ మయి మాత రనిమీలిత దృగంతాన్
సించ పరితాప హరి భూరి కరుణాపం
సంచలిత మార్త మిహ రేవతి వరాకం
వంచయితు మేవ తవ నాస్తి యది చిత్తం
లలితా దేవీ
లోకానతీత్య యాలలతే దేవీ సా లలితా దేవీ. దేవస్య పరమేశ్వరస్య శక్తిరేవ సా దేవీ. శక్తి శక్తిమతో రభేదః ఇతి సిద్ధాంతః. యతో మమైవైషా శక్తిరితి సర్వదా అభేదేనైవ స పరామృశ త్యాత్మనం. ద్వయోరపి నిరాకారత్వాత్ అనయో రేకాత్మతా శక్తి శక్తిమతోః అతో దేవీ దేవ ఇతి అనర్ధాంతరం.
తథాపి గుణ ప్రధాన వివక్షయా భేదో వ్యపదిశ్యతే. అసౌ దేవః శివో యదా ప్రాధాన్యేన వివక్షితః తదా తస్య శక్తిః గుణీ భవతి. సా పునః శక్తిః యదా వివక్షితా తదా తదాశ్రయస్య శివస్య గుణీభావః. కేవలం వివక్షా కృతోయం భేదః న వస్తు కృతః. వస్తు తస్తు ద్వావప్యేక మేవ తత్త్వం. ఇదమేవ శివ శక్తి సామరస్యం నామ.
భవతు. యదా శక్తిర్న స్వతంత్రా అపితు శివాశ్రితైవ సర్వదా కమిర్థేయం దేవీ ప్రాధాన్య వివక్షా, సత్యం. తథాపి శక్తిద్వారైవ శివో వగమ్యతే. నాన్యథా. సర్వత్ర సాధనేనైవ సాధ్యం వస్తూప లభ్యతే లోకే. అత్ర లోకోత్తరేపి ఇయమేవ వ్యవస్థా. అత్రహి సాధ్యం శివ సాయుజ్యం పరమార్ధతః శివ స్వరూపాణా మస్మాకం జీవానా మవిద్యా వశాత్ తత్స్వరూప విస్మృతిర్జాతా. తన్నిమిత్తాచ్చ సుఖదుఃఖాది సంసారబంధః సంప్రాప్తః. బంధనా దస్మాన్మోక్షశ్చేత్ ప్రాప్తవ్యః సర్వధాతత్రాప్తి సాధన మన్వేషణీయం. తచ్చ సాధనమిహ పరమార్థ విషయే శక్తిరేవ నాన్యత్.
Page 11
బ్రహ్మశ్రీ యల్లంరాజు శ్రీనివాస రావు